Эльбрусоид :: Эльбрусоид :: Тейриберды башындан.

Мал ёлсе, сюек къалыр, адам ёлсе, иши къалыр.
Накъырданы арты керти болур.
Къонакъ аман болса, къонакъбай джунчур
Ашлыкъны арба юйге келтирир, чана базаргъа элтир.
Къарт болгъан джерде, берекет болур, сабий болгъан джерде, оюн болур.
Ашхы тенг джолгъа салыр, аман тенг джолдан тайдырыр.
Юйюнг бла джау болгъандан эсе, элинг бла джау бол.
Билмезни кёзю кёрмез, этмезни къулагъы эшитмез.
Минг тенг да азды, бир джау да кёбдю.
Эски джаугъа ышанма.
Ёгюзню мюйюзюнден тутадыла, адамны сёзюнден тутадыла.
Тюзню ётмеги тюзде къалса да, тас болмаз.
Ишни ахырын ойламай, аллын башлама.
Гыдай эчки суугъа къараб, мюйюзле кёрмесе, джашма алкъын, дегенди.
Къарны аманнга къазан такъдырма, къолу аманнга от джакъдырма.
Баш – акъыл ючюн, акъылман – халкъ ючюн.
Къызбайны юйюне дери сюрсенг, батыр болур.
Сабий болмагъан джерде, мёлек болмаз.
Джашлыкъ этмеген, башлыкъ этмез.
Къралынгы – душмандан, башынгы от бла суудан сакъла.
Нёгер болсанг, тенг бол, тенг болмасанг, кенг бол.
Юреннген ауруу къалмаз.
Мухарны эси – ашарыкъда.
Къуру гыбыт бек дыгъырдар.
Эл ауузу – элия.
Алма терегинден кери кетмез.
Туз, гырджын аша, тюзлюк бла джаша.
Билмейме деген – бир сёз
Телиге акъыл салгъандан эсе, ёлгеннге джан салырса.
Акъыл сабырлыкъ берир.
Кёб джат да, бек чаб.
Суугъа – чабакъ, къаягъа – ыргъакъ.
Аманны тукъумуна къарама, игини тукъумун сорма.
Берекет берсин деген джерде, берекет болур.
Тилчи тилден къаныкъмаз.
Адамны сыфатына къарама, сёзюне къара.
Мени джылытмагъан кюн, меннге тиймесин!
Уллу айтханны этмеген – уллаймаз.
Къарын къуру болса, джюрек уру болур.
Керек ташны ауурлугъу джокъ.
Илму – джашауну джолу.
Этек чакъмакълары баш джаргъан, сёлешген сёзлери таш джаргъан.
Орну джокъну – сыйы джокъ.
Таугъа чыгъаллыкъ эсенг, тюзде къалма.
Ёлюр джаннга, ёкюл джокъ.
Аякъларынгы джууургъанынга кёре узат.
Олтуруб кёрюнмей эди да, ёрге туруб кёрюне эди.
Къар – келтирди, суу – элтди.
Сабыр джетер муратха, сабырсыз къалыр уятха.
Нафысынгы айтханын этме, намысынгы айтханын эт.