Эльбрусоид :: Эльбрусоид :: Тейриберды башындан.

Аманнга алтын чыдамаз.
Байлыкъ келсе, акъыл кетер.
Байлыкъ адамны сокъур этер.
Джиби бир къат джетмей эди да, эки къат тарта эди.
Къатын байлыкъны сюер, эр саулукъну сюер.
Чомартны къолун джокълукъ байлар.
Джерни букъусу кёкге къонмаз.
Ач келгенни – тойдур, кеч келгенни – къондур.
Ашатыргъа иш – ашхы, ишлетирге аш – ашхы.
Бал ашаргъа сюе эсенг, чибин ургъаннга тёз.
Зарда марда джокъ.
Чомарт къолда мал къалмаз.
Байлыкъдан саулукъ ашхыды.
Кийимни бир кюнню аясанг, минг кюннге джарар.
Керти сёзге тёре джокъ.
Ишленмеклик адамлыкъды.
Ишленмеген джаш – джюгенсиз ат, ишленмеген къыз – тузсуз хант.
Къобан да къуру да къобханлай турмайды, адам да къуру да патчахлай турмайды.
Джумушакъ сёз къаты таякъны сындырыр.
Ашлыкъны арба юйге келтирир, чана базаргъа элтир.
Адам туугъан джеринде, ит тойгъан джеринде.
Экеулен сёлеше тура эселе, орталарына барыб кирме.
Ата джурт – алтын бешик.
Ёксюзню тилеги къабыл болур.
Узун джолну барсанг, бюгюн келирсе, къысха джолну барсанг, тамбла келирсе.
Адамны джюреги нени кёрюрге сюйсе, кёзю да аны кёрюрге ёч болады.
Тели турса – той бузар.
Къошда джокъгъа – юлюш джокъ.
Ишлерге уял да, ашаргъа табма.
Ишин билген, аны сыйын чыгъарады.
Эринчекни эр алмаз, эр алса да, кёл салмаз, кёл салса да, кёб бармаз!
Ауругъанны сау билмез, ач къарынны токъ билмез.
Кёрмегеннге кебек – танг, битмегеннге сакъал – танг.
Аш иеси бла татлыды.
Адам къыйынлыгъын кёлтюрюр, зауукълугъун кёлтюрмез.
Къатын къылыкъсыз, эр тынчлыкъсыз.
Джан саулукъ бермей, сан саулукъ бермезсе.
Билим насыб берир, билим джолну керир.
Иги джашны ышаны – аз сёлешиб, кёб тынгылар.
Гыдай эчки суугъа къараб, мюйюзле кёрмесе, джашма алкъын, дегенди.
Ариу – кёзге, акъыл – джюрекге.
Эки къатын алгъан – эки ташны ортасына башын салгъан.
Джангызны оту джарыкъ джанмаз!
Джарлыны тону джаз битер.
Мал ёлсе, сюек къалыр, адам ёлсе, иши къалыр.
Сютню башын джалагъан къутулур, тюбюн ичген тутулур.
Сыфатында болмагъаны, суратында болмаз.
Билими азны – ауузунда кирит.
Окъумагъан сокъурду, сокъур ташха абыныр!
Айтхан сёзюне табылгъан.