Эльбрусоид :: Эльбрусоид :: Тейриберды башындан.

Ачлыкъда тары гырджын халыуадан татлы.
Гырджын – тепсини тамадасы.
Хар ишни да аллы къыйынды.
Хансыз джомакъ болмаз.
Къарт айтханны этмеген, къартаймаз.
Дуния аламаты сен эсенг да, игиме деб айтма.
Гугурук къычырмаса да, тангны атары къалмаз.
Акъыллы – эл иеси, тели – эл баласы.
Алгъанда – джууукъ, бергенде – джау.
Джаралыны джастыгъында сау ёлюр.
Мухарны эси – ашарыкъда.
Ашхы атаны – джашы ашхы, ашхы ананы – къызы ашхы.
Тойгъа барсанг, тоюб бар, эски тонунгу къоюб бар.
Ач да бол, токъ да бол – намысынга бек бол.
Тас болгъан бычакъны сабы – алтын.
Эски джаугъа ышанма.
Байлыкъ болгъан джерде, тынчлыкъ джокъду.
Аякъларынгы джууургъанынга кёре узат.
Къонагъынгы артмагъын алма да, алгъышын ал.
Бек ашыкъгъан меннге джетсин, дегенди аракъы.
Ойнай билмеген, оюн бузар.
Игиге айтсанг – билир, аманнга айтсанг – кюлюр.
Джарлыны тону джаз битер.
Ичимден чыкъды хата, къайры барайым сата?
Биреуге кёлтюрген таягъынг, кесинги башынга урур.
Ауругъан – джашаудан умутчу.
Эркиши – от, тиширыу – суу.
Уллу атлама – абынырса, уллу къабма – къарылырса.
Ариу сёз – джаннга азыкъ, аман сёз – башха къазыкъ.
Юйюнг бла джау болгъандан эсе, элинг бла джау бол.
Ауругъанны сау билмез, ач къарынны токъ билмез.
Эшекни не къадар тюйсенг да, ат болмаз.
Аман къатын сабий табса, бий болур…
Къарын къуру болса, джюрек уру болур.
Ауузу аманнга «иги», деме.
Чакъырылмагъан къонакъ тёрге атламаз.
Джарашыу сюйген – джалынчакъ.
Керилген да, ургъан кибикди.
Джетген къыз джерли эшекни танымаз.
Окъугъан – асыу, окъумагъан – джарсыу.
Юйлю уругъа ит чабмаз.
Этим кетсе да, сюегим къалыр.
Тешигини къатында, чычхан да батыр болур.
Къайгъыны сюйген, къайгъы табар.
Ата джурт – алтын бешик.
Эрине къаргъыш этген къатын, эрнин къабар.
Биреуге аманлыкъ этиб, кесинге игилик табмазса.
Хар адамгъа кеси миннген тау кибик.
Насыблы элин сюер, насыбсыз кесин сюер.
Къралынгы – душмандан, башынгы от бла суудан сакъла.