- Билим къая тешер.
- Адам сёзге тынгыла, акъыл сёзню ангыла.
- Къралынгы – душмандан, башынгы от бла суудан сакъла.
- Къайтырыкъ эшигинги, къаты уруб чыкъма.
- Артына баргъанны, къатына барма.
- Сабийликде юретмесенг, уллу болса – тюзелмез.
- Дуния малгъа сатылма, кесингден телиге къатылма.
- Байлыкъ тауусулур, билим тауусулмаз.
- Адам къыйынлыгъын кёлтюрюр, зауукълугъун кёлтюрмез.
- Джарлы эскисин джамаса, къууаныр.
- Тешик этген тынчды, аны джамагъан къыйынды.
- Адам къаллай бир ишленмесе, аллай бир кесин уллу кёреди.
- Келгинчи, къонакъ уялыр, келгенден сора, къонакъбай уялыр.
- Джети тилни билген джети кишиди.
- Адам боллукъ, атламындан белгили болур.
- Ауругъаннга – кийик саулукъ, джетген къызгъа – чилле джаулукъ.
- Къонакъны къачан кетерин сорма, къачан келлигин сор.
- Сескекли кесин билдирир.
- Джюрекге ариу – кёзге да ариу.
- Кёбге таш атма.
- Келинин тута билмеген, къул этер, къызын тута билмеген, тул этер.
- Садакъачыны джаны – къапчыгъында.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Эски джаугъа ышанма.
- Къыз чыгъаргъан – къызыл къымжа.
- Тюзню ётмеги тюзде къалса да, тас болмаз.
- Мал ёлсе, сюек къалыр, адам ёлсе, иши къалыр.
- Къан бла кирген, джан бла чыгъар.
- Эки итни арасына сюек атма, эки адамны арасында сёз чыгъарма.
- Сёз къанатсыз учар.
- Окъугъан – асыу, окъумагъан – джарсыу.
- Ачыкъ джюрекге джол – ачыкъ.
- Джарашыу сюйген – джалынчакъ.
- Къайгъыны сюйген, къайгъы табар.
- Чоюнну башы ачыкъ болса, итге уят керекди.
- Кёзю сокъурдан – къоркъма, кёлю сокъурдан – къоркъ.
- Айтханы чапыракъдан ётмеген.
- Чомартны къолу берекет.
- Эте билген, этген этеди, эте билмеген, юретген этеди!
- Зарда марда джокъ.
- Берекет берсин деген джерде, берекет болур.
- Хансыз джомакъ болмаз.
- Ёлген аслан – сау чычхан.
- Ашын ашагъанынгы, башын да сыйла.
- Таукел тауну аудурур.
- Эки ойлашыб, бир сёлешген.
- Уллу айтханны этмеген – уллаймаз.
- Чакъырылгъанны аты, чакъырылмагъанны багъасы болур.
- Джарлыны тону джаз битер.
- Адамны сыфатына къарама, сёзюне къара.
TAULU 07 BALKARIA
|
TAULU