- Ётюрюкден тюбю джокъ, кёлтюрюрге джиби джокъ.
- Босагъагъа джууукъ орун болса, ашыгъыб тёрге озма.
- Арпа, будай – ащды, алтын, кюмюш а – ташды.
- Телиге акъыл салгъандан эсе, ёлгеннге джан салырса.
- Ауурну тюбю бла, дженгилни башы бла джюрюген.
- Зар адамны насыбы болмаз.
- Намыс болмагъан джерде, насыб болмаз.
- Кёбню кёрген – кёб билир.
- Сагъыш – къартлыкъгъа сюйюмчю.
- Сууда джау джокъ, кёб сёзде магъана джокъ.
- Ёлмесенг да, къарт дамы болмазса?
- Ач келгенни – тойдур, кеч келгенни – къондур.
- Ата Джуртуму башы болмасам да, босагъасында ташы болайым.
- Атынг аманнга чыкъгъандан эсе, джанынг тамагъынгдан чыкъсын.
- Эки къатын алгъанны къулагъы тынгнгаймаз.
- Аурууну келиую тынч, кетиую – къыйын.
- Тик ёргени, тик энгишгеси да болады.
- Минг тенг да азды, бир джау да кёбдю.
- Тели турса – той бузар.
- Къыз тиширыу кеси юйюнде да къонакъды.
- Чакъырылмагъан джерге барма, чакъырылгъан джерден къалма.
- Суу да къайтады чыкъгъан джерине.
- Аман къатын алгъан, арыр, иги къатын алгъан джарыр.
- Берекет берсин деген джерде, берекет болур.
- Игиге айтсанг – билир, аманнга айтсанг – кюлюр.
- Зарда марда джокъ.
- Байлыкъ келсе, акъыл кетер.
- Тилчиден кери бол.
- Керти сёзге тёре джокъ.
- Чомарт бергенин айтмаз.
- Кесинге джетмегенни, кёб сёлешме.
- От этилмеген джерден тютюн чыкъмайды.
- Ашхы адам – халкъ байлыгъы, ашхы джер – джашау байлыгъы.
- Насыб бютеу халкъны юлюшюдю.
- Илму – джашауну джолу.
- Тешик этген тынчды, аны джамагъан къыйынды.
- Ким бла джюрюсенг, аны кёзю бла кёрюнюрсе.
- Битмегеннге сакъал – танг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Билим насыб берир, билим джолну керир.
- Эшекге миннген – биринчи айыб, андан джыгъылгъан – экинчи айыб.
- Борчунг бар эсе, хурджунунга ойлаб узал.
- Таукел къуру къалмаз.
- Сакъ юйюне сау барыр.
- Ишни ахырын ойламай, аллын башлама.
- Окъугъан – асыу, окъумагъан – джарсыу.
- Тешигини къатында, чычхан да батыр болур.
- Тили узунну, намысы – къысха.
- Джыгъылгъанны сырты джерден тоймаз.
- Иши джокъну, сыйы джокъ.