- Бозанг болмагъан джерге, къалагъынгы сукъма.
- Башсыз урчукъ тюзюне айланмаз.
- Ач келгенни – тойдур, кеч келгенни – къондур.
- Магъанасыз сёз – тауушсуз сыбызгъы.
- Шайтан алдады, тюзлюк къаргъады.
- Босагъа таш юйге кирмей эди, тыбыр таш эшикге чыкъмай эди.
- Кюл тюбюндеги от кёрюнмейди.
- Хоншуну тауугъу къаз кёрюнюр, келини къыз кёрюнюр.
- Кёзден кетген, кёлден да кетеди.
- Намысы болмагъанны, сыйы болмаз.
- Биреуню тёрюнден, кесинги эшик артынг игиди.
- Чомарт къолда мал къалмаз.
- Дууулдаса – бал чибин, къонса – къара чибин.
- Ишлегенден, къарагъан уста.
- Къарнынг ауруса, ауузунгу тый
- Ишин билген, аны сыйын чыгъарады.
- Сютден ауузу кюйген, суугъа юфгюре эди.
- Акъыл бла адеб эгизледиле.
- Суугъа – чабакъ, къаягъа – ыргъакъ.
- Эркиши – от, тиширыу – суу.
- Байны оноуу, джарлыгъа джарамаз.
- Айран ичген – къутулду, джугъусун джалагъан – тутулду.
- Иги сёз – джаннга азыкъ, аман сёз башха – къазыкъ.
- Эшекни не къадар тюйсенг да, ат болмаз.
- Асхат ашлыкъ сата, юйдегиси ачдан къата.
- Айраннга суу къош, телиге джол бош.
- Аджашхан тёгерек айланыр.
- Бойнуму джети джерден кессенг да, мен ол ишни этеллик тюлме.
- Ашхы – джыяр, аман – джояр.
- Ач – эснер, ат – кишнер.
- Агъач халкъгъа алтынды, иссиликге салкъынды.
- Билим насыб берир, билим джолну керир.
- Азыкълы ат арымаз, къатыны аман джарымаз.
- Ашарыкъда сайлагъаннга – чий гырджын.
- Ауузу бла къуш тута айланады.
- Эркишиге тары кебек танг кёрюнюр.
- Кюлме джашха – келир башха.
- Джолда аягъынга сакъ бол, ушакъда тилинге сакъ бол.
- Джаханимни кёрмей, джандетге кёл салмазса.
- Намыс болмагъан джерде, насыб болмаз.
- Ётюрюкден тюбю джокъ, кёлтюрюрге джиби джокъ.
- Биреу къой излей, биреу той излей.
- Тойну къарнашы – харс, джырны къарнашы – эжиу.
- Телиге акъыл салгъандан эсе, ёлгеннге джан салырса.
- Кёб джашагъан – кёб билир.
- Кийимни бир кюнню аясанг, минг кюннге джарар.
- Тау башында, тау болмаз, джангыз терек, бау болмаз.
- Тас болгъан бычакъны сабы – алтын.
- Эки итни арасына сюек атма, эки адамны арасында сёз чыгъарма.
- Бети – къучакълар, джюреги – бычакълар.