Эльбрусоид :: Эльбрусоид

Арыгъан къош чамчы болур.
Мал тутхан – май джалар.
Джарлы эскисин джамаса, къууаныр.
Биреуге аманлыкъны тилеме да, кесинге ашхылыкъны тиле.
Къонагъынгы артмагъын алма да, алгъышын ал.
Тюзлюк шохлукъну бегитир.
Тойчу джашха къарама, къойчу джашха къара.
Джырчы ёлсе, джыры къалыр.
Халкъгъа джарагъан, джарлы къалмаз.
Итли къонакъ джарашмаз.
Эртде тургъан джылкъычыны эркек аты тай табар.
Бир онгсуз адам адет чыгъарды, деб эштирик тюлсе.
Мал ёлсе, сюек къалыр, адам ёлсе, иши къалыр.
Иги адам абынса да, джангылмаз.
Акъыллы башны – тили къысха.
Кесине гебен этелмеген, биреуге черен эте эди.
Таукел къуру къалмаз.
Ёлюк кебинсиз къалмаз.
Ишни аллы бла къууанма да, арты бла къууан.
Джылыгъа джылан илешир.
Туз, гырджын аша, тюзлюк бла джаша.
Ариу сёзде ауруу джокъ.
Халкъны юйю – туугъан джери.
Джигер – джаннга къыйынлыкъ.
Къарт бла баш аша, джаш бла аякъ аша.
Джогъун бар этген, барын бал этген.
Чабар ат – джетген къыз.
Бозанг болмагъан джерге, къалагъынгы сукъма.
Джиби бир къат джетмей эди да, эки къат тарта эди.
«Ма», - дегенни билмесенг, «бер», - дегенни билмезсе.
Алгъанда – джууукъ, бергенде – джау.
Ач да бол, токъ да бол – намысынга бек бол.
Кёзю сокъурдан – къоркъма, кёлю сокъурдан – къоркъ.
Билмегенинги, билгеннге сор.
Ачыкъ джюрекге джол – ачыкъ.
«Ёгюз, джаргъа джууукъ барма, меннге джюк боллукъса», - дегенди эшек.
Намысы джокъну – дуниясы джокъ.
Суу кетер, таш къалыр.
Тойгъа барсанг, тоюб бар, эски тонунгу къоюб бар.
Ачыу алгъа келсе, акъыл артха къалады.
Ашхы болсанг, атынг чыгъар, аман болсанг, джанынг чыгъар.
Зар адамны насыбы болмаз.
Кёкдеги болмаса, джердегин кёрмейди.
Джети тилни билген джети кишиди.
Эркишини аманы тиширыуну джылатыр.
Кёб джашагъан – кёб билир.
Сагъыш – къартлыкъгъа сюйюмчю.
Къулакъдан эсе, кёзге ышан.
Телиге от эт десенг, юйюнге от салыр.
Тили узунну, намысы – къысха.