- Арбаз къынгырды да, ийнек сауалмайма.
- Билим – акъылны чырагъы.
- Адамны сабийин сюйген джюреги, бычакъча, джитиди.
- Сёз садакъдан кючлюдю.
- Телини эшигин, махтау джабар.
- Кёл ашады да, кеси ашады.
- Ётюрюкден тюбю джокъ, кёлтюрюрге джиби джокъ.
- Бал ашаргъа сюе эсенг, чибин ургъаннга тёз.
- Эркишиге тары кебек танг кёрюнюр.
- Тилсиз миллет джокъ болур.
- Ёгюзню мюйюзюнден тутадыла, адамны сёзюнден тутадыла.
- Шапа кёб болса, аш татымсыз болур.
- Джылкъыдан – ат чыгъар, тукъумдан – джаш чыгъар.
- Байлыкъдан саулукъ ашхыды.
- Чабакъгъа акъыл, табагъа тюшсе келеди.
- Ашарыкъда сайлагъаннга – чий гырджын.
- Ариу сёз аурууунгу алыр.
- Эл ауузу – элия.
- Эм уллу байлыкъ – джан саулукъ.
- Чалманны аллы къалай башланса, арты да алай барады.
- Джарашыу сюйген – джалынчакъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Къатын къылыкъсыз, эр тынчлыкъсыз.
- Ач къарным, тынч къулагъым.
- Башы джабылгъан челекге, кир тюшмез.
- Къызбайны юйюне дери сюрсенг, батыр болур.
- Насыблы элин сюер, насыбсыз кесин сюер.
- Ёлюр джаннга, ёкюл джокъ.
- Аджашханны ызындагъы кёреди, джангылгъанны джанындагъы биледи.
- Чыбыкълыкъда бюгюлмеген, къазыкълыкъда бюгюлмей эди.
- Адамны аманы адамны бети бла ойнар.
- Тёзген – тёш ашар!
- Айран ичген – къутулду, джугъусун джалагъан – тутулду.
- Азыкъ аз болса, эртде орун сал.
- Адеби болмагъан къыз – тузсуз хант.
- Иги джашны ышаны – аз сёлешиб, кёб тынгылар.
- Ёзденликни кёбю ётюрюк.
- Джырчы джырчыгъа – къарнаш.
- Иги сёз – джаннга азыкъ, аман сёз башха – къазыкъ.
- Кесине гебен этелмеген, биреуге черен эте эди.
- Ач отунчуну ачыуу – бурнунда.
- Кёбню кёрген – кёб билир.
- Аманнга да, игиге да оноусуз къатышма.
- Намыс сатылыб алынмайды.
- Сагъыш – къартлыкъгъа сюйюмчю.
- Ариу – кёзге, акъыл – джюрекге.
- Айраннга суу къош, телиге джол бош.
- Алгъанда – джууукъ, бергенде – джау.
- Ёлген аслан – сау чычхан.
- Бёрю да ач къалмасын, эчки да ашалмасын.
Luca_Lamorte
|