- Джогъун бар этген, барын бал этген.
- Ашаса, ашамаса да, бёрюню ауузу – къан.
- Бозаны арты дауур болур.
- Тилчи бир сагъатха айлыкъ хата этер.
- Керек ташны ауурлугъу джокъ.
- Башсыз урчукъ тюзюне айланмаз.
- Ашлыкъны арба юйге келтирир, чана базаргъа элтир.
- Джан саулукъ бермей, сан саулукъ бермезсе.
- Къазанда болса, чолпугъа чыгъар.
- Келинни – келгинчи, бёркню кийгинчи кёр.
- Ашыкъгъан cуу, тенгизге джетмез.
- Бал ашаргъа сюе эсенг, чибин ургъаннга тёз.
- Аз айтсам, кёб ангылагъыз.
- Таугъа чыгъаллыкъ эсенг, тюзде къалма.
- Чомартха хар кюн да байрамды.
- Берекет берсин деген джерде, берекет болур.
- Биреуню тёрюнден, кесинги эшик артынг игиди.
- Иги адам абынса да, джангылмаз.
- Кесинг сынамагъан затны, адамгъа буюрма.
- Биреу ашаб къутулур, биреу джалаб тутулур.
- Джангыз терек къынгыр ёсер.
- Кёл ашады да, кеси ашады.
- Чомартны къолун джокълукъ байлар.
- Урама да – ёледи, сатама да – келеди.
- Кёбге таш атма.
- Ашха уста, юйюнде болсун
- Эринчекге кюн узун.
- Байдан умут эте, джарлыдан ёгюз багъасы къорады.
- Сабийликде юретмесенг, уллу болса – тюзелмез.
- Эрине къаргъыш этген къатын, эрнин къабар.
- Акъылсызны джууукъгъа алма, акъыллыны кенгнге салма.
- Агъач – джерни чырайы, кийим – эрни чырайы.
- Эринчекни аурууу – кёб.
- Терек ауса, отунчу – кёб.
- Тулпарлыкъ, билекден тюл – джюрекден.
- Тешигини къатында, чычхан да батыр болур.
- Къошда джокъгъа – юлюш джокъ.
- Акъыллы башны – тили къысха.
- Ачлыкъ отха секиртир.
- Ачны эсинде – аш.
- Ашхы болсанг, атынг чыгъар, аман болсанг, джанынг чыгъар.
- Огъурлуну сёзю – суу, огъурсузну сёзю – уу.
- Окъуусуз билим – джокъ, билимсиз кюнюнг – джокъ.
- Акъдан къара болмаз.
- Кёбден умут этиб, аздан къуру къалма.
- Тамчы таш тешер.
- Гитче джилтин уллу элни джандырыр.
- Тил бла келеди джыр да.
- Къонакъ кёб келюучю юйню, къазаны отдан тюшмез.
- Эри аманны, къатыны – аман.
