- Ариу сёз аурууунгу алыр.
- Асхат ашлыкъ сата, юйдегиси ачдан къата.
- Тил – миллетни джаны.
- Айранны сюйген, ийнек тутар.
- Айраннга суу къош, телиге джол бош.
- Айранын берсенг, челегин да къызгъанма.
- Ашда уялгъан – мухар, ишде уялгъан – хомух.
- Орну джокъну – сыйы джокъ.
- Къая джолда джортма, ачыкъ сёзден къоркъма.
- Аууздан келген, къолдан келсе, ким да патчах болур эди.
- Тынгылагъан тынгы бузар.
- Билген билмегенни юретген адетди.
- Намыс болмагъан джерде, насыб болмаз.
- Ёлген эшек бёрюден къоркъмайды.
- Айтхан – тынч, этген – къыйын.
- Тай асырагъан, атха минер.
- Сагъышы джокъ – джукъучу, акъылы джокъ – къаугъачы.
- Ауругъаннга – кийик саулукъ, джетген къызгъа – чилле джаулукъ.
- Бек анасы джыламаз.
- Борчунг бар эсе, хурджунунга ойлаб узал.
- Билмегенинги, билгеннге сор.
- Хантына кёре тузу, юйюне кёре къызы.
- Туз, гырджын аша, тюзлюк бла джаша.
- Тёрдеги кюлсе, эшикдеги ышарыр.
- Джахил болса анасы, не билликди баласы?
- Ётюрюкчюню шагъаты – къатында.
- Агъач халкъгъа алтынды, иссиликге салкъынды.
- Хансыз джомакъ болмаз.
- Адамны сабийин сюйген джюреги, бычакъча, джитиди.
- Хаухну атма, ёнгкючню сатма.
- Адамны артындан къара сабан сюрме.
- Тилде сюек болмаса да, сюек сындырыр.
- Къонакъны къачан кетерин сорма, къачан келлигин сор.
- Акъыл бла адеб эгизледиле.
- Чабакъсыз кёлге къармакъ салгъанлыкъгъа, чабакъ тутмазса.
- Ётюрюкден тюбю джокъ, кёлтюрюрге джиби джокъ.
- Ханы къызы буюгъа-буюгъа киштик болду.
- Урунуу – насыбны анасы.
- Татлы тилде – сёз ариу, чемер къолда – иш ариу.
- Айырылмаз джууугъунга, унутмаз сёзню айтма.
- Кийимни бичсенг, кенг бич, тар этген къыйын тюлдю.
- Эл тойса, тоймагъан, эл къойса, къоймагъан.
- Махтаннган къыз, тойда джукълар.
- Ойнай-ойнай кёз чыгъар.
- Экеулен сёлеше тура эселе, орталарына барыб кирме.
- Джолда аягъынга сакъ бол, ушакъда тилинге сакъ бол.
- Намыс сатылыб алынмайды.
- Джарлы эскисин джамаса, къууаныр.
- Къолу уллу – асыу, аягъы уллу – джарсыу.
- Тенгинг джокъ эсе – изле, бар эсе – сакъла!
День Победы 2013
10.05.2013