- Къая джолда джортма, ачыкъ сёзден къоркъма.
- Эшекге миннген – биринчи айыб, андан джыгъылгъан – экинчи айыб.
- Ёксюзню тилеги къабыл болур.
- Джетген къыз джерли эшекни танымаз.
- Намысы болмагъанны, сыйы болмаз.
- Бал чибинни ургъаны – ачы, балы – татлы.
- Кёзю сокъурдан – къоркъма, кёлю сокъурдан – къоркъ.
- Эллинг бла джау болсанг да, юйюнг бла джау болма.
- Адамгъа аман кюн соруб келмейди.
- Тюкюрюк баш джармаз, налат кёз чыгъармаз!
- Билим ат болуб да чабар, къуш болуб да учар.
- Джигер – джаннга къыйынлыкъ.
- Ойнай-ойнай кёз чыгъар.
- Ашхы атаны – джашы ашхы, ашхы ананы – къызы ашхы.
- Иги сеники эсе да, сюйген кесимикин этеме.
- Бал – татлы, балдан да бала – татлы.
- Суугъа – таянма, джаугъа – ийнанма.
- Керилген да, ургъан кибикди.
- Накъырданы арты керти болур.
- Адам къыйынлыгъын кёлтюрюр, зауукълугъун кёлтюрмез.
- Къонакъ аман болса, къонакъбай джунчур
- Эм уллу байлыкъ – джан саулукъ.
- Къонакъ кёб келюучю юйню, къазаны отдан тюшмез.
- Ана къолу ачытмаз.
- Тели турса – той бузар.
- Джаханимни кёрмей, джандетге кёл салмазса.
- Аурууну келиую тынч, кетиую – къыйын.
- Тёрде – темир таякълы, къаяда – чыпчыкъ аякълы.
- Кюн – узун, ёмюр – къысха.
- Джыйырма къойну юч джыйырма эбзе кюте эди.
- Адамны сыфатына къарама, сёзюне къара.
- Тилчи тилден къаныкъмаз.
- Байны къызы баймакъ болса да, юйде къалмаз!
- Джол бла сёзню къыйыры джокъ.
- Ашхы сёз таш тешер.
- Ётюрюкню башын керти кесер.
- Кесине оноу эте билмеген, халкъына да эте билмез.
- Айтхан сёзюне табылгъан.
- Рысхы – насыбха къор.
- Сютню башын джалагъан къутулур, тюбюн ичген тутулур.
- Экеу тутушса, биреу джыгъылыр.
- Айтханы чапыракъдан ётмеген.
- Билим насыб берир, билим джолну керир.
- Ишлерге уял да, ашаргъа табма.
- Тил джюрекге джол ишлейди.
- Ачлыкъ отха секиртир.
- Чомарт къолда мал къалмаз.
- Ашха уста, юйюнде болсун
- Ишленмеген джаш – джюгенсиз ат, ишленмеген къыз – тузсуз хант.
- Урама да – ёледи, сатама да – келеди.
День Победы 2013
10.05.2013