- Тулпарлыкъ, билекден тюл – джюрекден.
- Аман адамны тепсинге олтуртсанг, къызынгы тилер.
- Урама да – ёледи, сатама да – келеди.
- Башсыз урчукъ тюзюне айланмаз.
- Джаз бир кюнню джатсанг, къыш талай кюнню абынырса.
- Хунаны тюбюн къазсанг, юсюнге ауар.
- Адебсиз адам – джюгенсиз ат.
- Къыйынлы джети элни къайгъысын этер.
- Хансыз джомакъ болмаз.
- Джашны джигитлиги сорулур, къызны джигерлиги сорулур.
- Сакъ юйюне сау барыр.
- Юйюнгден чыкъдынг – кюнюнгден чыкъдынг.
- Билген билмегенни юретген адетди.
- Джарлы тюеге минсе да, ит къабар.
- Айтылгъан буйрукъ, сёгюлмез
- Байлыкъ тауусулур, билим тауусулмаз.
- Къозулугъунда тоймагъан, къойлугъунда тоймаз.
- Адам сёзге тынгыла, акъыл сёзню ангыла.
- Кёбге таш атма.
- Кютгени беш эчки, сызгъыргъаны уа, джерни джарады.
- Бир абыннган – минг сюрюнюр.
- Акъыл сабырлыкъ берир.
- Шапа кёб болса, аш татымсыз болур.
- Элге къуллукъ этмеген, элге ие болмаз.
- Акъыллы – эл иеси, тели – эл баласы.
- Эр абынмай, эл танымаз.
- Къыз тиширыу кеси юйюнде да къонакъды.
- Джахил болса анасы, не билликди баласы?
- Акъыллы эркиши атын махтар, акъылсыз эркиши къатынын махтар.
- Ауругъаннга – кийик саулукъ, джетген къызгъа – чилле джаулукъ.
- Алим болгъандан эсе, адам болгъан къыйынды.
- Къызны минг тилер, бир алыр.
- Кенгеш болса, уруш болмаз.
- Айранны сюйген, ийнек тутар.
- Бети – къучакълар, джюреги – бычакълар.
- Сабийни джумушха джибер да, ызындан бар.
- Малны кют, джерни тюрт.
- Билим къая тешер.
- Къумурсхала джыйылсала, пилни да джыгъадыла.
- Алма терегинден кери кетмез.
- От этилмеген джерден тютюн чыкъмайды.
- Къатын байлыкъны сюер, эр саулукъну сюер.
- Ишлерге уял да, ашаргъа табма.
- Ашха уста, юйюнде болсун
- Байлыкъ келсе, акъыл кетер.
- Адамны сабийин сюйген джюреги, бычакъча, джитиди.
- Кёб джат да, бек чаб.
- Аман адам этегингден тутса, кес да къач.
- Борчунг бар эсе, хурджунунга ойлаб узал.
- Танг атмайма десе да, кюн къоярыкъ тюйюлдю.
День Победы 2013
10.05.2013