Эльбрусоид :: Эльбрусоид :: День Победы 2013

Намыс сатылыб алынмайды.
Ётюрюкню башын керти кесер.
Сёз къанатсыз учар.
Ёгюзню мюйюзлери ауурлукъ этмейдиле.
Бетинги сатма, малынгы сат.
Ачлыкъ отха секиртир.
Юйюнг бла джау болгъандан эсе, элинг бла джау бол.
Таш ата билмеген, башына урур.
Кёб джат да, бек чаб.
Сууда джау джокъ, кёб сёзде магъана джокъ.
Иги бла джюрюсенг, джетерсе муратынга, аман бла джюрюсенг, къалырса уятха.
Чомартха Тейри да борчлуду.
Тюз сёз баргъан сууну тыяр.
Элни кючю – эмеген.
Бир абыннган – минг сюрюнюр.
Къонакъ кёб келюучю юйню, къазаны отдан тюшмез.
Билим ат болуб да чабар, къуш болуб да учар.
Кёрмегеннге кебек – танг, битмегеннге сакъал – танг.
Къызбайны юйюне дери сюрсенг, батыр болур.
Джырчы джырчыгъа – къарнаш.
Эте билген, этген этеди, эте билмеген, юретген этеди!
Сакъалы текени да бар, мыйыгъы киштикни да бар.
Тил бла келеди джыр да.
Сютню башын джалагъан къутулур, тюбюн ичген тутулур.
Ашына кёре табагъы, балына кёре къалагъы.
Накъырда – кертини келечиси.
Айраннга суу къош, телиге джол бош.
Билимден уллу байлыкъ джокъду.
Игилик игилик бла сингдирилиучю затды.
Тойгъандан сора, ашны сёкме.
Хазыр ашха – терен къашыкъ.
Ишни ахырын ойламай, аллын башлама.
Бал ашаргъа сюе эсенг, чибин ургъаннга тёз.
Адам къаллай бир ишленмесе, аллай бир кесин уллу кёреди.
Джыгъылгъанны сырты джерден тоймаз.
Мал ёлсе, сюек къалыр, адам ёлсе, иши къалыр.
Къобан да къуру да къобханлай турмайды, адам да къуру да патчахлай турмайды.
Рысхы – насыбха къор.
Тойгъан джерге джети къайт.
Къоркъакъны кёзю экили кёрюр.
Тулпарлыкъ, билекден тюл – джюрекден.
Бети къызарыучу адамны, джюреги харам болмаз.
Эркишини аманы тиширыуну джылатыр.
Къарнынг бла ёч алма.
Ач къарным, тынч къулагъым.
Сибиртки да сыйлы болду, кюрек да кюнлю болду.
Аш иеси бла татлыды.
Тамчы таш тешер.
Телиге акъыл салгъандан эсе, ёлгеннге джан салырса.
Билмейме деген – бир сёз