Эльбрусоид :: Эльбрусоид :: День Победы 2013

Келинин тута билмеген, къул этер, къызын тута билмеген, тул этер.
Бозанг болмагъан джерге, къалагъынгы сукъма.
Бек ашыкъгъан меннге джетсин, дегенди аракъы.
Тюкюрюк баш джармаз, налат кёз чыгъармаз!
Тойгъан джерден туугъан джер игиди.
Тил – кесген бычакъ, сёз – атылгъан окъ.
Кёрмегеннге кебек – танг, битмегеннге сакъал – танг.
Кёбню кёрген – кёб билир.
Эки элинги тыйсанг, джети элде махталырса.
Суугъа – чабакъ, къаягъа – ыргъакъ.
Эки ойлашыб, бир сёлешген.
Экиндини кеч къылсанг, чабыб джетер ашхам.
Аш берме да, къаш бер.
Кийим тукъум сордурур.
Эки къатын алгъанны къулагъы тынгнгаймаз.
Аджал соруб келмез, келсе, къайтыб кетмез.
Арыгъан къош чамчы болур.
Ёпкелегенни ашы татлы болады.
Мураты болгъанны джюрек тебюую башхады.
Тил – миллетни джаны.
Эки къатын алгъан – эки ташны ортасына башын салгъан.
Керти сёзге тёре джокъ.
Аш иеси бла татлыды.
Къоркъакъны кёзю экили кёрюр.
Тойгъандан сора, ашны сёкме.
Бети къызарыучу адамны, джюреги харам болмаз.
Азыкъ аз болса, эртде орун сал.
Джаш къарыу бла кючлю, къарт акъыл бла кючлю.
Экеу тутушса, биреу джыгъылыр.
Къонагъынгы артмагъын алма да, алгъышын ал.
Байлыкъ келсе, акъыл кетер.
Ётюрюкден тюбю джокъ, кёлтюрюрге джиби джокъ.
Сабий болмагъан джерде, мёлек болмаз.
Болджал ишни бёрю ашар.
Эл ауузу – элек, анга ийнаннган – халек.
Юй ишлеген балта эшикде къалыр.
Къобан да къуру да къобханлай турмайды, адам да къуру да патчахлай турмайды.
Накъырда – кертини келечиси.
Кёзню ачылгъаны – иги, ауузну джабылгъаны – иги.
Махтаннган къыз, тойда джукълар.
Кийимни бичсенг, кенг бич, тар этген къыйын тюлдю.
Бетинги сатма, малынгы сат.
Ата Джуртуму башы болмасам да, босагъасында ташы болайым.
Джолунга кёре – джюрюшюнг, джагъанга кёре – юлюшюнг.
Иши джокъну, сыйы джокъ.
Тёрдеги кюлсе, эшикдеги ышарыр.
Эллинг бла джау болсанг да, юйюнг бла джау болма.
Орундукъ тюбюнде атылсам да, орта джиликме, де да айлан.
Къумурсхала джыйылсала, пилни да джыгъадыла.
Кёзюнде тереги болгъан, чёбю болгъаннга кюле эди.