Эльбрусоид :: Эльбрусоид :: День Победы 2013

Джумушакъ терекни къурт ашар.
Бичгенде ашыкъма, тикгенде ашыкъ.
Таш бла ургъанны, аш бла ур.
Къолунгдан къуймакъ ашатсанг да, атаны борчундан къутулмазса.
Къалгъан ишге къар джауар.
Къонакъ кёб келюучю юйню, къазаны отдан тюшмез.
Иши джокъну, сыйы джокъ.
Ачыу алгъа келсе, акъыл артха къалады.
Эки итни арасына сюек атма, эки адамны арасында сёз чыгъарма.
Ойнаб айтсанг да, эслеб айт.
Душманны тышы – акъ, ичи – къара.
Хата – гитчеден.
Джашынгы кесинг юретмесенг, джашау юретир.
Суу да къайтады чыкъгъан джерине.
Рысхысына кёре, джаш ёсер, къышлыгъына кёре, мал ёсер.
Къарын къуру болса, джюрек уру болур.
Къызын тута билмеген, тул этер, джашын тута билмеген, къул этер.
Къозулугъунда тоймагъан, къойлугъунда тоймаз.
Иги адамны бир сёзю эки болмаз.
Аман адамны тепсинге олтуртсанг, къызынгы тилер.
Таукелге нюр джауар.
Байлыкъдан саулукъ ашхыды.
Чомартха хар кюн да байрамды.
Кенгеш болса, уруш болмаз.
Кёзден кетген, кёлден да кетеди.
Джаз бир кюнню джатсанг, къыш талай кюнню абынырса.
Ат да турмайды бир териде.
Тёзгеннге, джабылгъан эшик ачылыр.
Садакъачыны джаны – къапчыгъында.
Тынгылагъан тынгы бузар.
Кёл ашады да, кеси ашады.
Сёлеш деб шай берген, тохта деб, сом берген.
Таугъа чыгъаллыкъ эсенг, тюзде къалма.
Къарт айтханны этмеген, къартаймаз.
Адамны бетине къарама, адетине къара.
Тёзген – тёш ашар!
Зар адам ашынгы ашар, кесинги сатар.
Окъугъан озар, окъумагъан тозар.
Тели турса – той бузар.
Тик ёргени, тик энгишгеси да болады.
Сакъламагъан затынга джолукъсанг, не бек къууанаса, не бек ачыйса.
Байлыкъ болгъан джерде, тынчлыкъ джокъду.
Ётюрюкден тюбю джокъ, кёлтюрюрге джиби джокъ.
Джигер – джаннга къыйынлыкъ.
Къарнынг ауруса, ауузунгу тый
Къазанны башы ачыкъ болса, итге уят керекди.
Ариу джол аджал келтирмез.
Чарсда алчыны эл кёреди.
Иги бла джюрюсенг, джетерсе муратынга, аман бла джюрюсенг, къалырса уятха.
Джылкъыдан – ат чыгъар, тукъумдан – джаш чыгъар.