- Эрни эр этерик да, къара джер этерик да, тиширыуду.
- Къоркъакъны кёзю экили кёрюр.
- Бир абыннган – минг сюрюнюр.
- Тас болгъан бычакъны сабы – алтын.
- Чакъырылгъанны аты, чакъырылмагъанны багъасы болур.
- Адамны аманы адамны бети бла ойнар.
- Ата Джуртча джер болмаз, туугъан элча эл болмаз.
- Ашаса, ашамаса да, бёрюню ауузу – къан.
- Зар адамны насыбы болмаз.
- Таукел тауну аудурур.
- Хар сёзню орну барды.
- Хансыз джомакъ болмаз.
- Аш кетер да бет къалыр.
- Акъыллы – эл иеси, тели – эл баласы.
- Садакъачыны джаны – къапчыгъында.
- Сакъалы текени да бар, мыйыгъы киштикни да бар.
- Ашхы болсанг, атынг чыгъар, аман болсанг, джанынг чыгъар.
- Айтылгъан буйрукъ, сёгюлмез
- Къаллай салам берсенг, аллай джууаб алырса.
- Ашын ашагъанынгы, башын да сыйла.
- Аман адамны тепсинге олтуртсанг, къызынгы тилер.
- Таула не мийик болсала да, аууш табылыр.
- Накъырданы арты керти болур.
- Айран ичген – къутулду, джугъусун джалагъан – тутулду.
- Окъугъан – асыу, окъумагъан – джарсыу.
- Тёзгеннге, джабылгъан эшик ачылыр.
- Аман хансны – урлугъу кёб.
- Къызны минг тилер, бир алыр.
- Ач, тоймам, дейди, тойгъан, ач болмам, дейди.
- Тойгъан джерден туугъан джер игиди.
- Тюзлюк шохлукъну бегитир.
- Сагъыш – къартлыкъгъа сюйюмчю.
- Эшекге миннген – биринчи айыб, андан джыгъылгъан – экинчи айыб.
- Тешик этген тынчды, аны джамагъан къыйынды.
- Биреуню эскиси биреуге джангы болмайды.
- Ишин билген, аны сыйын чыгъарады.
- Джарлыны тону джаз битер.
- Джарлыны эшигин махтагъан джабар.
- Ашына кёре табагъы, балына кёре къалагъы.
- Чыкълы кюнде чыкъмагъан, чыкъса къуру кирмеген.
- Кюлме джашха – келир башха.
- Къонакъ аман болса, къонакъбай джунчур
- Ашарыкъда сайлагъаннга – чий гырджын.
- Эрине къаргъыш этген къатын, эрнин къабар.
- Кёзден кетген, кёлден да кетеди.
- Адам сёзге тынгыла, акъыл сёзню ангыла.
- Байлыкъ тауусулур, билим тауусулмаз.
- Экеу тутушса, биреу джыгъылыр.
- Ашлыкъ – бюртюкден, джюн – тюкден.
- Адам къаллай бир ишленмесе, аллай бир кесин уллу кёреди.
День Победы 2013
10.05.2013