Эльбрусоид :: Эльбрусоид :: День Победы 2013

Тойгъанлыкъ къойгъа джарашады.
Нёгер болсанг, тенг бол, тенг болмасанг, кенг бол.
Ашхы тенг джолгъа салыр, аман тенг джолдан тайдырыр.
Узун джолну барсанг, бюгюн келирсе, къысха джолну барсанг, тамбла келирсе.
Эки итни арасына сюек атма, эки адамны арасында сёз чыгъарма.
Тойгъан джерге джети къайт.
Байлыкъ келсе, акъыл кетер.
Халкъны юйю – туугъан джери.
Ёзденликни кёбю ётюрюк.
Тили узунну, намысы – къысха.
Таякъ этден ётер, тил сюекден ётер.
Джарлы джети элни сёзюн этер.
Ишлегенден, къарагъан уста.
Билгенни къолу къарны джандырыр.
Джаш къарыу бла кючлю, къарт акъыл бла кючлю.
Сыфатында болмагъаны, суратында болмаз.
Кёб джашагъан – кёб билир.
Башынга джетмегенни сорма.
Адеб базарда сатылмаз.
Онгсузну – джакъла, тенгликни – сакъла.
Дуния мал дунияда къалады.
Аман киши кеси юйюнде – къонакъ.
Ишге юренсин къоллары, халкъ бла болсун джоллары.
Адебни адебсизден юрен.
Чакъырылгъанны аты, чакъырылмагъанны багъасы болур.
Кийимни бир кюнню аясанг, минг кюннге джарар.
Къазанчы аман болса, къазаны къайнамаз.
Тойгъа алгъа да барма, тойда артха да къалма.
Таукел адам тау тешер.
Къонакъ болсанг, ийнакъ бол.
Чабакъ башындан чирийди.
Къызгъанчдан ычхыныр, мухардан ычхынмаз.
Бозанг болмагъан джерге, къалагъынгы сукъма.
Чакъырылмагъан къонакъ тёрге атламаз.
Иги адамны бир сёзю эки болмаз.
Аман хансны – урлугъу кёб.
Хоншуну тауугъу къаз кёрюнюр, келини къыз кёрюнюр.
Бал чибинни ургъаны – ачы, балы – татлы.
Тилчи бир сагъатха айлыкъ хата этер.
Келгинчи, къонакъ уялыр, келгенден сора, къонакъбай уялыр.
Тас болгъан бычакъны сабы – алтын.
Уллу айтханны этмеген – уллаймаз.
Кюн кёрмеген, кюн кёрсе, кюндюз чыракъ джандырыр.
Эшекни не къадар тюйсенг да, ат болмаз.
Бети къызарыучу адамны, джюреги харам болмаз.
Къартны сыйын кёрмеген, къартлыгъында сыйлы болмаз.
Сагъышы джокъ – джукъучу, акъылы джокъ – къаугъачы.
Билим – акъылны чырагъы.
Арба аугъандан сора, джол кёргюзтюучю кёб болур.
Къозулугъунда тоймагъан, къойлугъунда тоймаз.