- Ат да турмайды бир териде.
- Мал тутхан – май джалар.
- Байлыкъ тауусулур, билим тауусулмаз.
- Сагъышы джокъ – джукъучу, акъылы джокъ – къаугъачы.
- Таугъа чыгъаллыкъ эсенг, тюзде къалма.
- Эки къатын алгъан – эки ташны ортасына башын салгъан.
- Нафысынгы айтханын этме, намысынгы айтханын эт.
- Келинни – келгинчи, бёркню кийгинчи кёр.
- Ариу сёз аурууунгу алыр.
- Къыйынлы джети элни къайгъысын этер.
- Аджал соруб келмез, келсе, къайтыб кетмез.
- Ёгюзню мюйюзлери ауурлукъ этмейдиле.
- Ышармагъан – кюлмез, кюлмеген – къууанчны билмез.
- Гитче джилтин уллу элни джандырыр.
- Башы ишлегенни, ауузу да ишлер.
- Агъач халкъгъа алтынды, иссиликге салкъынды.
- Джахил болса анасы, не билликди баласы?
- Джангызны оту джарыкъ джанмаз!
- Бойнуму джети джерден кессенг да, мен ол ишни этеллик тюлме.
- Алгъанда – джууукъ, бергенде – джау.
- Эл элде бирер малынг болгъандан эсе, бирер тенгинг болсун.
- Къыйынлы джети элге оноу этер.
- Башланнган иш битер, къымылдагъан тиш тюшер.
- Сыфатында болмагъаны, суратында болмаз.
- Дуния малгъа сатылма, кесингден телиге къатылма.
- Ойнаб айтсанг да, эслеб айт.
- Босагъа таш юйге кирмей эди, тыбыр таш эшикге чыкъмай эди.
- Бал – татлы, балдан да бала – татлы.
- Байлыкъ келсе, акъыл кетер.
- Къумурсхала джыйылсала, пилни да джыгъадыла.
- Сабий болмагъан джерде, мёлек болмаз.
- Сагъыш – къартлыкъгъа сюйюмчю.
- Ашыкъгъанны этеги бутуна чырмалыр.
- Чабакъ башындан чирийди.
- Дженгил джетерикме деб, узун джолну къоюб, къысхасын барма.
- Тай асырагъан, атха минер.
- Ойнай билмеген, уруб къачар.
- Ишлегенде эринме, ишде чолакъ кёрюнме.
- Хар зат кесини орнуна иги.
- Сакъалы текени да бар, мыйыгъы киштикни да бар.
- Ашда уялгъан – мухар, ишде уялгъан – хомух.
- Сабыр джетер муратха, сабырсыз къалыр уятха.
- Эм уллу байлыкъ – джан саулукъ.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Экиндини кеч къылсанг, чабыб джетер ашхам.
- Билим – акъылны чырагъы.
- Ишге юренсин къоллары, халкъ бла болсун джоллары.
- Къуллукъчума, деб махтанма, къуллукъ – хаух джамчыды!
- Терек ауса, отунчу – кёб.
- Алтыннга тот къонмаз.
Arturjan
|