- Чакъырылмагъан къонакъ къачан кетерин сормаз.
- Туз, гырджын аша, тюзлюк бла джаша.
- Кёрмегеннге кебек – танг, битмегеннге сакъал – танг.
- Зар адамны насыбы болмаз.
- Къызбайны юйюне дери сюрсенг, батыр болур.
- Окъуусуз билим – джокъ, билимсиз кюнюнг – джокъ.
- Тойгъан антын унутур.
- Адеби болмагъан къыз – тузсуз хант.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Экиндини кеч къылсанг, чабыб джетер ашхам.
- Ойнай билмеген, оюн бузар.
- Къыз келсе, джумуш эте келеди, къатын келсе, ушакъ эте келеди.
- Кимни – тили, тиши онглу, кимни – къолу, иши онглу.
- Акъыл къартда, джашда тюйюлдю – башдады.
- Намысы джокъну – дуниясы джокъ.
- Байлыкъ келсе, акъыл кетер.
- Билим насыб берир, билим джолну керир.
- Дууулдаса – бал чибин, къонса – къара чибин.
- Аууздан келген, къолдан келсе, ким да патчах болур эди.
- Къарт айтханны этмеген, къартаймаз.
- Тамчы таш тешер.
- Къонакъ болсанг, ийнакъ бол.
- Мухарны эси – ашарыкъда.
- Юйюнгден чыкъдынг – кюнюнгден чыкъдынг.
- Джюрек кёзден алгъа кёрюр.
- Байны къызы баймакъ болса да, юйде къалмаз!
- Биреуню эскиси биреуге джангы болмайды.
- Ётюрюкню къуйругъу – бир тутум.
- Ётген ёмюр – акъгъан суу.
- Ариу джол аджал келтирмез.
- Эр абынмай, эл танымаз.
- Къарнынг къанлынга кийирир.
- Намыс болмагъан джерде, насыб болмаз.
- Тили узунну, намысы – къысха.
- Акъыллы эркиши атын махтар, акъылсыз эркиши къатынын махтар.
- Тойчу джашха къарама, къойчу джашха къара.
- Хар адамгъа кеси миннген тау кибик.
- Аманнга алтын чыдамаз.
- Игини сыйлагъан адетди.
- Сёз сёзню айтдырыр.
- Ачыу алгъа келсе, акъыл артха къалады.
- Тюзлюк тас болмайды.
- Чыбыкълыкъда бюгюлмеген, къазыкълыкъда бюгюлмей эди.
- Биреуге кёлтюрген таягъынг, кесинги башынга урур.
- Къартны бурнун сюрт да, оноугъа тут.
- Уллу суу бла уллу ауруудан башынгы сакъла.
- Къарт болгъан джерде, берекет болур, сабий болгъан джерде, оюн болур.
- Кюл тюбюндеги от кёрюнмейди.
- Джюрекге ариу – кёзге да ариу.
- Кюн кёрмеген, кюн кёрсе, кюндюз чыракъ джандырыр.
День Победы 2013
10.05.2013