- Дууулдаса – бал чибин, къонса – къара чибин.
- Тюзню ётмеги тюзде къалса да, тас болмаз.
- Кесинге джетмегенни, кёб сёлешме.
- Тёзген – тёш ашар!
- Чакъырылмагъан къонакъ – орунсуз.
- Адебсиз адам – джюгенсиз ат.
- Ана къойну – балагъа джандет.
- Ата Джуртун танымагъан, атасын да танымаз.
- Эрине къаргъыш этген къатын, эрнин къабар.
- Аш берме да, къаш бер.
- Ач отунчуну ачыуу – бурнунда.
- Накъырда – кертини келечиси.
- Эркишиге тары кебек танг кёрюнюр.
- Джангыз терек къынгыр ёсер.
- Джюрекден джюрекге джол барды.
- Намыс сатылыб алынмайды.
- Ат басханны джер билед.
- Бетинги сатма, малынгы сат.
- Эрни эр этерик да, къара джер этерик да, тиширыуду.
- Джашынгы кесинг юретмесенг, джашау юретир.
- Тай асырагъан, атха минер.
- Алма терегинден кери кетмез.
- Уллу къазанда бишген эт, чий къалмаз.
- Ойнаб айтсанг да, эслеб айт.
- Ышармагъан – кюлмез, кюлмеген – къууанчны билмез.
- Эм ашхы къайын ана мамукъ бла башынгы тешер.
- Олтуруб кёрюнмей эди да, ёрге туруб кёрюне эди.
- Тойгъан джерден туугъан джер игиди.
- Бек ашыкъгъан меннге джетсин, дегенди аракъы.
- Биреу ашаб къутулур, биреу джалаб тутулур.
- Кеси юйюмде мен да ханма.
- Телиге от эт десенг, юйюнге от салыр.
- Ёзденликни джайгъан – джокълукъ.
- Къайгъы тюбю – тенгиз.
- Азыгъы аз, алгъа къабар, аты аман, алгъа чабар.
- Ашлыкъ – бюртюкден, джюн – тюкден.
- Бир абыннган – минг сюрюнюр.
- Окъугъанны бети джарыкъ.
- Ёксюзню къалачы уллу кёрюнюр.
- Эм уллу байлыкъ – джан саулукъ.
- Аджаллыгъа окъсуз шкок атылыр.
- Кёб ант этген, кёб ётюрюк айтыр.
- Сабийни джумушха джибер да, ызындан бар.
- Билимден уллу байлыкъ джокъду.
- Къуру гыбыт бек дыгъырдар.
- Урама да – ёледи, сатама да – келеди.
- Чабакъгъа акъыл, табагъа тюшсе келеди.
- Иги – алгъыш этер, аман – къаргъыш этер.
- Эли джокъну – кёлю джокъ.
- Атлыны кёрсе, джаяуну буту талыр.
День Победы 2013
10.05.2013