Эльбрусоид :: Эльбрусоид :: День Победы 2013

Уллу атлама – абынырса, уллу къабма – къарылырса.
Ашына кёре табагъы, балына кёре къалагъы.
Ауругъан – джашаудан умутчу.
Аманнга игилик этсенг, юйюнге сау бармазса.
Джангызны оту джарыкъ джанмаз!
Джаш къарыу бла кючлю, къарт акъыл бла кючлю.
Ашаса, ашамаса да, бёрюню ауузу – къан.
Бек ашыкъгъан меннге джетсин, дегенди аракъы.
Джумушакъ сёз къаты таякъны сындырыр.
Къарт болгъан джерде, берекет болур, сабий болгъан джерде, оюн болур.
Садакъачыны джаны – къапчыгъында.
Эшекге миннген – биринчи айыб, андан джыгъылгъан – экинчи айыб.
Эте билген, этген этеди, эте билмеген, юретген этеди!
Эр абынмай, эл танымаз.
Къайтырыкъ эшигинги, къаты уруб чыкъма.
Бойнуму джети джерден кессенг да, мен ол ишни этеллик тюлме.
Байдан умут эте, джарлыдан ёгюз багъасы къорады.
Агъач – джерни чырайы, кийим – эрни чырайы.
Эринчекге кюн узун.
Ариу сёз джыланны орнундан чыгъарыр.
Чабакъсыз кёлге къармакъ салгъанлыкъгъа, чабакъ тутмазса.
Керек ташны ауурлугъу джокъ.
Эл ауузу – элия.
Билеги кючлю, бирни джыгъар, билими кючлю, мингни джыгъар.
Мадар болса, къадар болур.
Этни бети бла шорпасы.
Булут кёкге джарашыу, уят бетге джарашыу.
Таякъ этден ётер, тил сюекден ётер.
Танг атмайма десе да, кюн къоярыкъ тюйюлдю.
Битмегеннге сакъал – танг.
Ишлегенден, къарагъан уста.
Акъыллы эркиши атын махтар, акъылсыз эркиши къатынын махтар.
Джетген къыз джерли эшекни танымаз.
Алим болгъандан эсе, адам болгъан къыйынды.
Ушамагъан – джукъмаз.
От кюйдюрген, сау болса да, тот кюйдюрген, сау болмаз.
Къолунгдан къуймакъ ашатсанг да, атаны борчундан къутулмазса.
Джарашыу сюйген – джалынчакъ.
Хунаны тюбюн къазсанг, юсюнге ауар.
Билмейме деген – бир сёз
Ариуну – ауруу кёб.
Чомартха хар кюн да байрамды.
Ёксюзню тилеги къабыл болур.
Къарт айтханны этмеген, къартаймаз.
Татлы сёз – балдан татлы.
Къарны аманнга къазан такъдырма, къолу аманнга от джакъдырма.
Кюлме джашха – келир башха.
Алтыда кюлмеген, алтмышда кюлмез.
Ашха уста, юйюнде болсун
Къонакъны къачан кетерин сорма, къачан келлигин сор.