Эльбрусоид :: Эльбрусоид :: День Победы 2013

Джарашыу сюйген – джалынчакъ.
Босагъагъа джууукъ орун болса, ашыгъыб тёрге озма.
Чомарт бергенин айтмаз.
Чакъырылмагъан къонакъ тёрге атламаз.
Гырджын – тепсини тамадасы.
Аш иеси бла татлыды.
Кёзню ачылгъаны – иги, ауузну джабылгъаны – иги.
Джылар джаш, атасыны сакъалы бла ойнар.
Тюкюрюк баш джармаз, налат кёз чыгъармаз!
Кёл – къызбай, къол – батыр.
Чомартха Тейри да борчлуду.
Эл ауузу – элек, анга ийнаннган – халек.
Тас болгъан бычакъны сабы – алтын.
Биреуге кёлтюрген таягъынг, кесинги башынга урур.
Акъыл аздырмаз, билим тоздурмаз.
Аманны къуугъан, аманлыкъ табар.
Магъанасыз сёз – тауушсуз сыбызгъы.
Уясында не кёрсе, учханында аны этер.
Тойгъандан сора, ашны сёкме.
Аман къатын алгъан, арыр, иги къатын алгъан джарыр.
Кесинг сынамагъан затны, адамгъа буюрма.
Джахил болса анасы, не билликди баласы?
Насыблы элин сюер, насыбсыз кесин сюер.
Ачлыкъда тары гырджын халыуадан татлы.
Юйлю уругъа ит чабмаз.
Эм уллу байлыкъ – джан саулукъ.
Олтуруб кёрюнмей эди да, ёрге туруб кёрюне эди.
Къарт болгъан джерде, берекет болур, сабий болгъан джерде, оюн болур.
Ач къарным, тынч къулагъым.
Билим – акъылны чырагъы.
Бозаны арты дауур болур.
Ойнай билмеген, оюн бузар.
Таукел адам тау тешер.
Къартны бурнун сюрт да, оноугъа тут.
Къарнынг тойгъунчу аша да, белинг талгъынчы ишле.
Чомарт къонакъ юй иесин сыйлар.
Джылкъыдан – ат чыгъар, тукъумдан – джаш чыгъар.
Таукелге нюр джауар.
Айраннга суу къош, телиге джол бош.
Къызны минг тилер, бир алыр.
Билимден уллу байлыкъ джокъду.
Эски джаугъа ышанма.
Чабакъ башындан чирийди.
Башда акъыл болмаса, эки аякъгъа кюч джетер.
Суу кетер, таш къалыр.
Чёбню кёлтюрсенг, тюбюнден сёз чыгъар.
Бал ашаргъа сюе эсенг, чибин ургъаннга тёз.
Шекер бла туз – бир болмаз, ушамагъан – юй болмаз.
Хансыз джомакъ болмаз.
Ана кёлю – балада, бала кёлю – талада.