- Тёрде – темир таякълы, къаяда – чыпчыкъ аякълы.
- Ач къарным, тынч къулагъым.
- Аман къатын алгъан, арыр, иги къатын алгъан джарыр.
- Адам къаллай бир ишленмесе, аллай бир кесин уллу кёреди.
- Адебсиз адам – джюгенсиз ат.
- Сабыр джетер муратха, сабырсыз къалыр уятха.
- Рысхы джалгъанды: келген да этер, кетген да этер.
- Адамны аманы адамны бети бла ойнар.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Аманнга да, игиге да оноусуз къатышма.
- Эринчекни аурууу – кёб.
- Мухарны эси – ашарыкъда.
- Тыш элде солтан болгъандан эсе, кесинги элде олтан болгъан игиди!
- Эркишини аманы тиширыуну джылатыр.
- Акъыл сабырлыкъ берир.
- Ашыкъгъан cуу, тенгизге джетмез.
- Байны оноуу, джарлыгъа джарамаз.
- Экиндини кеч къылсанг, чабыб джетер ашхам.
- Бир онгсуз адам адет чыгъарды, деб эштирик тюлсе.
- Аман киши кеси юйюнде – къонакъ.
- Эки къатын алгъанны къулагъы тынгнгаймаз.
- Арпа, будай – ащды, алтын, кюмюш а – ташды.
- Кийимни бир кюнню аясанг, минг кюннге джарар.
- Акъыл къартда, джашда тюйюлдю – башдады.
- Огъурлуну сёзю – суу, огъурсузну сёзю – уу.
- Окъуу – билимни ачхычы, окъуу – дунияны бачхычы.
- Юй кюйдю да, кюйюз чыкъды, ортасындан тюйюш чыкъды.
- Тулпарлыкъ, билекден тюл – джюрекден.
- Сагъыш – къартлыкъгъа сюйюмчю.
- Атынг аманнга чыкъгъандан эсе, джанынг тамагъынгдан чыкъсын.
- Биреу къой излей, биреу той излей.
- Ата Джуртуму башы болмасам да, босагъасында ташы болайым.
- Айтылгъан буйрукъ, сёгюлмез
- Таукел къуру къалмаз.
- Кечеси – аяз, кюню – къыш, джарлы къаргъагъа бир аш тюш!
- Къобан да къуру да къобханлай турмайды, адам да къуру да патчахлай турмайды.
- Этни да ашады, бетни да ашады.
- Мал тутхан – май джалар.
- Алим болгъандан эсе, адам болгъан къыйынды.
- Бетинги сатма, малынгы сат.
- Ишге юренсин къоллары, халкъ бла болсун джоллары.
- Душманны тышы – акъ, ичи – къара.
- Ариу сёз – къылычдан джити.
- «Ма», - дегенни билмесенг, «бер», - дегенни билмезсе.
- Алтыннга тот къонмаз.
- Билим – акъылны чырагъы.
- Джангыз терек къынгыр ёсер.
- Баш болса, бёрк табылыр.
- Аллахха ийнаннган кишини, Аллах онгдурур ишин.
- Алгъанда – джууукъ, бергенде – джау.
День Победы 2013
10.05.2013