- Хар сёзню орну барды.
- Кенгеш болса, уруш болмаз.
- Кёл – къызбай, къол – батыр.
- Бал – татлы, балдан да бала – татлы.
- Артына баргъанны, къатына барма.
- Нарт сёз къарт болмаз.
- Таукел къуру къалмаз.
- Тюз сёз баргъан сууну тыяр.
- Азыгъы аз, алгъа къабар, аты аман, алгъа чабар.
- Тилчи бир сагъатха айлыкъ хата этер.
- Ётюрюк хапар аякъ тюбю бла джюрюйдю.
- Къарт болгъан джерде, берекет болур, сабий болгъан джерде, оюн болур.
- Накъырда – кертини келечиси.
- Тин – байлыгъынг, терен саулугъунг.
- Ышармагъан – кюлмез, кюлмеген – къууанчны билмез.
- Башда акъыл болмаса, эки аякъгъа кюч джетер.
- Арыгъан къош чамчы болур.
- Кёлсюзден сёзсюз тууар.
- Кечеси – аяз, кюню – къыш, джарлы къаргъагъа бир аш тюш!
- Джангыз терек къынгыр ёсер.
- Келинин тута билмеген, къул этер, къызын тута билмеген, тул этер.
- Ата Джуртча джер болмаз, туугъан элча эл болмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Джюз элде джюз ёгюзюм болгъандан эсе, джюз джууугъум болсун.
- Тыш элде солтан болгъандан эсе, кесинги элде олтан болгъан игиди!
- Таукел тауну аудурур.
- Булут кёкге джарашыу, уят бетге джарашыу.
- Акъыллы – эл иеси, тели – эл баласы.
- Шекер бла туз – бир болмаз, ушамагъан – юй болмаз.
- Билмейме деген – бир сёз
- Къыз тиширыу кеси юйюнде да къонакъды.
- Къоркъакъны кёзю экили кёрюр.
- Тилчи тилден къаныкъмаз.
- Кюлме джашха – келир башха.
- Аджашханны ызындагъы кёреди, джангылгъанны джанындагъы биледи.
- Кесине оноу эте билмеген, халкъына да эте билмез.
- Кюн – узун, ёмюр – къысха.
- Эски джаугъа ышанма.
- Бир онгсуз адам адет чыгъарды, деб эштирик тюлсе.
- Илму – джашауну джолу.
- Тил бла келеди джыр да.
- «Ма», - дегенни билмесенг, «бер», - дегенни билмезсе.
- Сёз – кюмюш, джыр – алтын.
- Ёгюзню мюйюзюнден тутадыла, адамны сёзюнден тутадыла.
- Ёксюзню тилеги къабыл болур.
- Акъыл къартда, джашда тюйюлдю – башдады.
- Аурууну келиую тынч, кетиую – къыйын.
- Къартны бурнун сюрт да, оноугъа тут.
- Нёгер болсанг, тенг бол, тенг болмасанг, кенг бол.
- От кюйдюрген, сау болса да, тот кюйдюрген, сау болмаз.
День Победы 2013
10.05.2013