- Кирсизни – саны таза, халалны – къаны таза.
- Тойну къарнашы – харс, джырны къарнашы – эжиу.
- Айныгъанлы алты кюн, тогъайгъанлы тогъуз кюн.
- Тёгюлген тюгел джыйылмайды.
- Аман адам этегингден тутса, кес да къач.
- Акъыллы – эл иеси, тели – эл баласы.
- Башланнган иш битер, къымылдагъан тиш тюшер.
- Чакъырылмагъан къонакъ – орунсуз.
- Чабакъсыз кёлге къармакъ салгъанлыкъгъа, чабакъ тутмазса.
- Иги адамны бир сёзю эки болмаз.
- Баланы адам этген анады.
- Джан саулукъ бермей, сан саулукъ бермезсе.
- «Ма», - дегенни билмесенг, «бер», - дегенни билмезсе.
- Суугъа – таянма, джаугъа – ийнанма.
- Чомартны къолу берекет.
- Ата джурт – алтын бешик.
- Тил – кесген бычакъ, сёз – атылгъан окъ.
- Итли къонакъ джарашмаз.
- Нарт сёз къарт болмаз.
- Джахил болса анасы, не билликди баласы?
- Игиге айтсанг – билир, аманнга айтсанг – кюлюр.
- Джашлыкъ этмеген, башлыкъ этмез.
- Арпа, будай – ащды, алтын, кюмюш а – ташды.
- Джети тилни билген джети кишиди.
- Къарын къуру болса, джюрек уру болур.
- Къарыусузгъа кюлме, онгсузгъа тийме.
- Адам къыйынлыгъын кёлтюрюр, зауукълугъун кёлтюрмез.
- Эки къатын алгъан – эки ташны ортасына башын салгъан.
- Тулпарлыкъ, билекден тюл – джюрекден.
- Ач келгенни – тойдур, кеч келгенни – къондур.
- Экеу тутушса, биреу джыгъылыр.
- Адамны сабийин сюйген джюреги, бычакъча, джитиди.
- Байлыкъ адамны сокъур этер.
- Билим – акъылны чырагъы.
- Къатыны харакетли болса, эри къымсыз болур.
- Къыз тиширыу кеси юйюнде да къонакъды.
- Ким бла джюрюсенг, аны кёзю бла кёрюнюрсе.
- Иги болса, тамадама – махтау, аман болса, меннге – айыб.
- Айтылгъан буйрукъ, сёгюлмез
- Биреу ашаб къутулур, биреу джалаб тутулур.
- Байны къызы баймакъ болса да, юйде къалмаз!
- Мухар, кеси тойса да, кёзю тоймаз.
- Биреуге кёлтюрген таягъынг, кесинги башынга урур.
- Азыкълы ат арымаз, къатыны аман джарымаз.
- Ашда – бёрю, ишде – ёлю.
- Айтхан сёзюне табылгъан.
- Къайгъыны сюйген, къайгъы табар.
- Душманны тышы – акъ, ичи – къара.
- Джарлыны эшигин махтагъан джабар.
- Адамны сыфатына къарама, сёзюне къара.
День Победы 2013
10.05.2013