- Билеги кючлю, бирни джыгъар, билими кючлю, мингни джыгъар.
- Къумурсхала джыйылсала, пилни да джыгъадыла.
- Джогъун бар этген, барын бал этген.
- Халкъгъа джарагъан, джарлы къалмаз.
- Эри аманны, къатыны – аман.
- Ёлмесенг да, къарт дамы болмазса?
- Ишин билген, аны сыйын чыгъарады.
- Рысхысына кёре, джаш ёсер, къышлыгъына кёре, мал ёсер.
- Экеулен сёлеше тура эселе, орталарына барыб кирме.
- Кёл – къызбай, къол – батыр.
- Кюн – узун, ёмюр – къысха.
- Къарнынг ауруса, ауузунгу тый
- Акъылсызны джууукъгъа алма, акъыллыны кенгнге салма.
- Хар адамгъа кеси миннген тау кибик.
- Айраннга суу къош, телиге джол бош.
- Къоркъакъны кёзю экили кёрюр.
- Къаллай салам берсенг, аллай джууаб алырса.
- Накъырданы арты керти болур.
- Шапа кёб болса, аш татымсыз болур.
- Ач келгенни – тойдур, кеч келгенни – къондур.
- Душманны тышы – акъ, ичи – къара.
- Аш хазыр болса, иш харам болур.
- Аллахдан тилесенг, кёб тиле.
- Кёб джашагъан – кёб билир.
- Минг тенг да азды, бир джау да кёбдю.
- Джыйырма къойну юч джыйырма эбзе кюте эди.
- Ашхы адам – халкъ байлыгъы, ашхы джер – джашау байлыгъы.
- Окъуу – билимни ачхычы, окъуу – дунияны бачхычы.
- Ётюрюкню къуйругъу – бир тутум.
- Уруну арты – къуру.
- Орну джокъну – сыйы джокъ.
- Ариу сёзде ауруу джокъ.
- Аман адамны тепсинге олтуртсанг, къызынгы тилер.
- Ёлген эшек бёрюден къоркъмайды.
- Билмезни кёзю кёрмез, этмезни къулагъы эшитмез.
- Ётюрюкден тюбю джокъ, кёлтюрюрге джиби джокъ.
- Кёбден умут этиб, аздан къуру къалма.
- Билим насыб берир, билим джолну керир.
- Ичимден чыкъды хата, къайры барайым сата?
- Айтханы чапыракъдан ётмеген.
- Ачлыкъ отха секиртир.
- Тёрдеги кюлсе, эшикдеги ышарыр.
- Келгинчи, къонакъ уялыр, келгенден сора, къонакъбай уялыр.
- Терек ауса, отунчу – кёб.
- Дуния малгъа сатылма, кесингден телиге къатылма.
- Эски джаугъа ышанма.
- Аман къатын сабий табса, бий болур…
- Биреуге аманлыкъ этиб, кесинге игилик табмазса.
- Къолунгдан къуймакъ ашатсанг да, атаны борчундан къутулмазса.
- Бети къызарыучу адамны, джюреги харам болмаз.
День Победы 2013
10.05.2013