- Айырылгъанланы айю ашар, бёлюннгенлени бёрю ашар.
- Чалманны аллы къалай башланса, арты да алай барады.
- Тай асырагъан, атха минер.
- Ашатыргъа иш – ашхы, ишлетирге аш – ашхы.
- Соргъан айыб тюлдю, билмеген айыбды.
- Орну джокъну – сыйы джокъ.
- Джигер – джаннга къыйынлыкъ.
- Байма, деб да, къууанма, джарлыма, деб да, джылама.
- Хазыр ашха – терен къашыкъ.
- Къартха ушагъан джаш – акъыллы, джашха ушагъан къарт – тели.
- Керти сёзге тёре джокъ.
- Кечеси – аяз, кюню – къыш, джарлы къаргъагъа бир аш тюш!
- Билмезни кёзю кёрмез, этмезни къулагъы эшитмез.
- Ана – юйню кюн джарыгъы.
- Эм уллу байлыкъ – джан саулукъ.
- Миллетни бойну – базыкъ, аны бла кюрешген – джазыкъ.
- Адеб этмеген, адеб кёрмез.
- Ана къолу ачытмаз.
- Тилчи тилден къаныкъмаз.
- Ашхы адам – халкъ байлыгъы, ашхы джер – джашау байлыгъы.
- Ёксюзню тилеги къабыл болур.
- Эки къатын алгъанны къулагъы тынгнгаймаз.
- Сангырау къулакъ эл бузар.
- Къалгъан ишге къар джауар.
- Ишни аллы бла къууанма да, арты бла къууан.
- Дуния аламаты сен эсенг да, игиме деб айтма.
- Чыбыкълыкъда бюгюлмеген, къазыкълыкъда бюгюлмей эди.
- Джырчы джырчыгъа – къарнаш.
- Джарашыу сюйген – джалынчакъ.
- Бет бетге къараса, бет да джерге къарар.
- Адамны аманы адамны бети бла ойнар.
- Элге къуллукъ этмеген, элге ие болмаз.
- Адамны джюреги нени кёрюрге сюйсе, кёзю да аны кёрюрге ёч болады.
- Татлы сёз – балдан татлы.
- Ачлыкъ отха секиртир.
- Босагъа таш юйге кирмей эди, тыбыр таш эшикге чыкъмай эди.
- Тик ёргени, тик энгишгеси да болады.
- Ата Джуртча джер болмаз, туугъан элча эл болмаз.
- Шапа кёб болса, аш татымсыз болур.
- Тиширыусуз юй – отсуз от джагъа.
- Ач – эснер, ат – кишнер.
- Рысхысына кёре, джаш ёсер, къышлыгъына кёре, мал ёсер.
- Окъумагъан сокъурду, сокъур ташха абыныр!
- Адам боллукъ, атламындан белгили болур.
- Ишлегенден, къарагъан уста.
- Акъыл сабырлыкъ берир.
- Эски джаугъа ышанма.
- Айран тёгюлсе, джугъусу къалыр.
- Гитче джилтин уллу элни джандырыр.
- Эринчекни эр алмаз, эр алса да, кёл салмаз, кёл салса да, кёб бармаз!
День Победы 2013
10.05.2013