- Танг атмайма десе да, кюн къоярыкъ тюйюлдю.
- Сагъышы джокъ – джукъучу, акъылы джокъ – къаугъачы.
- Аманны эки битли тону болур, бирин сеннге кийдирир, бирин кеси киер.
- Джан саулукъ бермей, сан саулукъ бермезсе.
- Акъыллы эркиши атын махтар, акъылсыз эркиши къатынын махтар.
- Ёлген ийнек сютлю болур.
- Адамны аманы адамны бети бла ойнар.
- Ханнга да келеди хариблик.
- Акъыл аздырмаз, билим тоздурмаз.
- Къазанны башы ачыкъ болса, итге уят керекди.
- Зар адамны насыбы болмаз.
- Телини эшигин, махтау джабар.
- Эркишини аманы тиширыуну джылатыр.
- Намысы болмагъанны, сыйы болмаз.
- Чомарт бергенин айтмаз.
- Кеси юйюмде мен да ханма.
- Дуния аламаты сен эсенг да, игиме деб айтма.
- Арыгъан къош чамчы болур.
- Халкъны юйю – туугъан джери.
- Хунаны тюбюн къазсанг, юсюнге ауар.
- Къарны аманнга къазан такъдырма, къолу аманнга от джакъдырма.
- Мал тутхан – май джалар.
- Билимден уллу байлыкъ джокъду.
- Адам къаллай бир ишленмесе, аллай бир кесин уллу кёреди.
- Ётюрюкден тюбю джокъ, кёлтюрюрге джиби джокъ.
- Эски джаугъа ышанма.
- Нёгерсизни джолу узун.
- Джырчы ёлсе, джыры къалыр.
- Тыш элде солтан болгъандан эсе, кесинги элде олтан болгъан игиди!
- Ойнаб айтсанг да, эслеб айт.
- Билмегенинги, билгеннге сор.
- Иги болса, тамадама – махтау, аман болса, меннге – айыб.
- Джаным-тиним – окъуу, билим.
- Бал чибинни ургъаны – ачы, балы – татлы.
- Гугук кесини атын айтыб къычыргъанча, мен, мен деб нек тураса?
- Адеб этмеген, адеб кёрмез.
- Джашлыкъ этмеген, башлыкъ этмез.
- Чакъырылмай келген къонакъ сыйланмай кетер.
- Тёрени джагъы джокъ.
- Чомартны къолу берекет.
- Эшекге миннген – биринчи айыб, андан джыгъылгъан – экинчи айыб.
- Намыс сатылыб алынмайды.
- Иги сёз – джаннга азыкъ, аман сёз башха – къазыкъ.
- Къонагъы джокъну – шоху джокъ.
- Кёб къычыргъандан – къоркъма, тынч олтургъандан – къоркъ.
- Керек ташны ауурлугъу джокъ.
- Сютден ауузу кюйген, суугъа юфгюре эди.
- Джарлы эскисин джамаса, къууаныр.
- Уллу сёлешме да, уллу къаб.
- Кёлсюзден сёзсюз тууар.
День Победы 2013
10.05.2013