- Оюмсуз атлагъан, аджалсыз ёлюр.
- Адам къаллай бир ишленмесе, аллай бир кесин уллу кёреди.
- Игини сыйлагъан адетди.
- Ашхы атаны – джашы ашхы, ашхы ананы – къызы ашхы.
- Ат да турмайды бир териде.
- Ач – эснер, ат – кишнер.
- Таула не мийик болсала да, аууш табылыр.
- Таш ата билмеген, башына урур.
- Берекет берсин деген джерде, берекет болур.
- Дуния малгъа сатылма, кесингден телиге къатылма.
- Джукъу тёшек сайламайды.
- Иги – алгъыш этер, аман – къаргъыш этер.
- Хантына кёре тузу, юйюне кёре къызы.
- Бети къызарыучу адамны, джюреги харам болмаз.
- Таш бла ургъанны, аш бла ур.
- Аш хазыр болса, иш харам болур.
- Къарнынг къанлынга кийирир.
- Эринчекни эр алмаз, эр алса да, кёл салмаз, кёл салса да, кёб бармаз!
- Айыбны суу бла джууалмазса.
- Атлыны ашхысы, ат тизгининден билинир
- Тойгъан джерден туугъан джер игиди.
- Рысхы – насыбха къор.
- Сакъ юйюне сау барыр.
- Къулакъдан эсе, кёзге ышан.
- Иги адамны бир сёзю эки болмаз.
- Кёзю сокъурдан – къоркъма, кёлю сокъурдан – къоркъ.
- Кюн – узун, ёмюр – къысха.
- Чыбыкълыкъда бюгюлмеген, къазыкълыкъда бюгюлмей эди.
- Эки къатын алгъанны къулагъы тынгнгаймаз.
- Аллахха ийнаннган кишини, Аллах онгдурур ишин.
- Сёз – кюмюш, джыр – алтын.
- Ёмюрлюк шохлукъну джел элтмез.
- Окъугъан озар, окъумагъан тозар.
- Бозаны арты дауур болур.
- Керек ташны ауурлугъу джокъ.
- Артына баргъанны, къатына барма.
- Азыкъ аз болса, эртде орун сал.
- Аз сёлеш, кёб ишле.
- Тюзлюк тас болмайды.
- Къан бла кирген, джан бла чыгъар.
- Иги сеники эсе да, сюйген кесимикин этеме.
- Таякъ этден ётер, тил сюекден ётер.
- Аман адам этегингден тутса, кес да къач.
- Ачны эсинде – аш.
- Ёксюзню къалачы уллу кёрюнюр.
- Тюзлюк шохлукъну бегитир.
- Юйлю уругъа ит чабмаз.
- Тюз сёз баргъан сууну тыяр.
- Ашхылыкъ джерде джатмайды, аманлыкъ суугъа батмайды.
- Мадар болса, къадар болур.
День Победы 2013
10.05.2013