- Дуния аламаты сен эсенг да, игиме деб айтма.
- Тойгъа алгъа да барма, тойда артха да къалма.
- Къызгъанчдан ычхыныр, мухардан ычхынмаз.
- Биреуге аманлыкъны тилеме да, кесинге ашхылыкъны тиле.
- Адамны сыфатына къарама, сёзюне къара.
- Онгсузну – джакъла, тенгликни – сакъла.
- Ашыкъгъан cуу, тенгизге джетмез.
- Джюрек кёзден алгъа кёрюр.
- Ёлген эшек бёрюден къоркъмайды.
- Игиге айтсанг – билир, аманнга айтсанг – кюлюр.
- Сёз садакъдан кючлюдю.
- Баланы адам этген анады.
- Экеу тутушса, биреу джыгъылыр.
- Кёзюнде тереги болгъан, чёбю болгъаннга кюле эди.
- Мадар болса, къадар болур.
- Чомартха Тейри да борчлуду.
- Ишленмеген джаш – джюгенсиз ат, ишленмеген къыз – тузсуз хант.
- Телиге от эт десенг, юйюнге от салыр.
- Зар адам ашынгы ашар, кесинги сатар.
- Чакъырылмагъан къонакъ тёрге атламаз.
- Къонакъ хазыр болгъанлыкъгъа, къонакъбай хазыр тюлдю.
- Азыкълы ат арымаз, къатыны аман джарымаз.
- Халкъгъа джарагъан, джарлы къалмаз.
- Чакъырылмагъан къонакъ – орунсуз.
- Къралынгы – душмандан, башынгы от бла суудан сакъла.
- Джырчы ёлсе, джыры къалыр.
- Акъыл неден да кючлюдю.
- Айранын берсенг, челегин да къызгъанма.
- Джарлы эскисин джамаса, къууаныр.
- Къарны аманнга къазан такъдырма, къолу аманнга от джакъдырма.
- Тынгылагъан тынгы бузар.
- Суугъа – чабакъ, къаягъа – ыргъакъ.
- Эринчекни аурууу – кёб.
- Таукел тауну аудурур.
- Кёбню кёрген – кёб билир.
- Къатыны харакетли болса, эри къымсыз болур.
- Битмегеннге сакъал – танг.
- Арпа, будай – ащды, алтын, кюмюш а – ташды.
- Джылыгъа джылан илешир.
- Намыс болмагъан джерде, насыб болмаз.
- Ата – билек, ана – джюрек!
- Байлыкъдан саулукъ ашхыды.
- Таш ата билмеген, башына урур.
- Узун джолну барсанг, бюгюн келирсе, къысха джолну барсанг, тамбла келирсе.
- Насыблы элин сюер, насыбсыз кесин сюер.
- Джарлы джети элни сёзюн этер.
- Арыгъан къош чамчы болур.
- Алгъанда – джууукъ, бергенде – джау.
- Адамны артындан къара сабан сюрме.
- Арбаз къынгырды да, ийнек сауалмайма.
День Победы 2013
10.05.2013