- Джаш болсун, къыз болсун, акъылы, саны тюз болсун.
- Айтылгъан сёз ызына къайтмаз.
- Къолу уллу – асыу, аягъы уллу – джарсыу.
- Аман хансны – урлугъу кёб.
- Ауурну тюбю бла, дженгилни башы бла джюрюген.
- Аш кетер да бет къалыр.
- Ачны эсинде – аш.
- Насыблы элин сюер, насыбсыз кесин сюер.
- Дуния мал дунияда къалады.
- Къонакъ кёб келюучю юйню, къазаны отдан тюшмез.
- Аякъларынгы джууургъанынга кёре узат.
- Хар адамгъа кеси миннген тау кибик.
- Адеб базарда сатылмаз.
- Аманны эки битли тону болур, бирин сеннге кийдирир, бирин кеси киер.
- Иги болса, тамадама – махтау, аман болса, меннге – айыб.
- Эл ауузу – элек, анга ийнаннган – халек.
- Тынгылагъан тынгы бузар.
- Шекер бла туз – бир болмаз, ушамагъан – юй болмаз.
- Къарны аманнга къазан такъдырма, къолу аманнга от джакъдырма.
- Мени джылытмагъан кюн, меннге тиймесин!
- Итли къонакъ джарашмаз.
- Джумушакъ терекни къурт ашар.
- Рысхы – насыбха къор.
- Намыс болмагъан джерде, насыб болмаз.
- Окъуу – билимни ачхычы, окъуу – дунияны бачхычы.
- Эм уллу байлыкъ – джан саулукъ.
- Аманнга да, игиге да оноусуз къатышма.
- Ишин билген, аны сыйын чыгъарады.
- Тамырсыз терекге таянма – джыгъылырса.
- Тенги кёбню джау алмаз, акъылы кёбню дау алмаз.
- Бал – татлы, балдан да бала – татлы.
- Билимсиз иш бармаз.
- Джырчы ёлсе, джыры къалыр.
- Агъач – джерни чырайы, кийим – эрни чырайы.
- Эки ойлашыб, бир сёлешген.
- Ана – юйню кюн джарыгъы.
- Джогъун бар этген, барын бал этген.
- Кесине оноу эте билмеген, халкъына да эте билмез.
- Ёксюзню къалачы уллу кёрюнюр.
- Билим – акъылны чырагъы.
- От этилмеген джерден тютюн чыкъмайды.
- Мадар болса, къадар болур.
- Келинин тута билмеген, къул этер, къызын тута билмеген, тул этер.
- Джолда аягъынга сакъ бол, ушакъда тилинге сакъ бол.
- Узун джолну барсанг, бюгюн келирсе, къысха джолну барсанг, тамбла келирсе.
- Тик ёргени, тик энгишгеси да болады.
- Биреуню къыйынлыгъы бла кесинге джол ишлеме.
- Къралынгы – душмандан, башынгы от бла суудан сакъла.
- Акъыл къартда, джашда тюйюлдю – башдады.
- Билим ат болуб да чабар, къуш болуб да учар.
День Победы 2013
10.05.2013