- Тёзген – тёш ашар!
- От этилмеген джерден тютюн чыкъмайды.
- Халкъны джырын джырласанг, халкъ санга эжиу этер.
- Эте билген, этген этеди, эте билмеген, юретген этеди!
- Чакъырылмай келген къонакъ сыйланмай кетер.
- Ургъан суудан башынгы сакъла.
- Билген билмегенни юретген адетди.
- Тамчы таш тешер.
- Кёбге таш атма.
- Къанны къан бла джуума, аманны аман бла къуума.
- Хаухну атма, ёнгкючню сатма.
- Ёксюзню къалачы уллу кёрюнюр.
- Биреуге аманлыкъны тилеме да, кесинге ашхылыкъны тиле.
- Ишин билген, аны сыйын чыгъарады.
- Таула не мийик болсала да, аууш табылыр.
- Хатерли къул болур.
- Хоншуну тауугъу къаз кёрюнюр, келини къыз кёрюнюр.
- Хата – гитчеден.
- Аманны къуугъан, аманлыкъ табар.
- Бал ашаргъа сюе эсенг, чибин ургъаннга тёз.
- Атлыны кёрсе, джаяуну буту талыр.
- Мал тутхан – май джалар.
- Адамны сабийин сюйген джюреги, бычакъча, джитиди.
- Кеси юйюмде мен да ханма.
- Къызын тута билмеген, тул этер, джашын тута билмеген, къул этер.
- Суу ичген шауданынга тюкюрме.
- Оюмсуз атлагъан, аджалсыз ёлюр.
- Джахил болса анасы, не билликди баласы?
- Аман адам этегингден тутса, кес да къач.
- Эки итни арасына сюек атма, эки адамны арасында сёз чыгъарма.
- Ёлген ийнек сютлю болур.
- Уллу сёзде уят джокъ.
- Эр абынмай, эл танымаз.
- Адамны джюреги нени кёрюрге сюйсе, кёзю да аны кёрюрге ёч болады.
- Сакъламагъан затынга джолукъсанг, не бек къууанаса, не бек ачыйса.
- Дууулдаса – бал чибин, къонса – къара чибин.
- Байлыкъдан саулукъ ашхыды.
- Къалгъан ишге къар джауар.
- Ким бла джюрюсенг, аны кёзю бла кёрюнюрсе.
- Бир абыннган – минг сюрюнюр.
- Джуртун къоругъан озар.
- Мадар болса, къадар болур.
- Тас болгъан бычакъны сабы – алтын.
- Кёлю джокъну – джолу джокъ.
- Уллу атлама – абынырса, уллу къабма – къарылырса.
- Ётюрюкню башын керти кесер.
- Джюрекге ариу – кёзге да ариу.
- Ачлыкъ отха секиртир.
- Хунаны тюбюн къазсанг, юсюнге ауар.
- Кёл – къызбай, къол – батыр.
День Победы 2013
10.05.2013