- Къонагъы джокъну – шоху джокъ.
- Башы джабылгъан челекге, кир тюшмез.
- Аманнга игилик этсенг, юйюнге сау бармазса.
- Биреуню къыйынлыгъы бла кесинге джол ишлеме.
- Чакъырылмагъан къонакъ – орунсуз.
- Мал ёлсе, сюек къалыр, адам ёлсе, иши къалыр.
- Бети – къучакълар, джюреги – бычакълар.
- Нёгер болсанг, тенг бол, тенг болмасанг, кенг бол.
- Къая джолда джортма, ачыкъ сёзден къоркъма.
- Тилчи тилден къаныкъмаз.
- Сибиртки да сыйлы болду, кюрек да кюнлю болду.
- Джылыгъа джылан илешир.
- Тил – кесген бычакъ, сёз – атылгъан окъ.
- Кёзню ачылгъаны – иги, ауузну джабылгъаны – иги.
- Эринчекге кюн узун.
- Тау башында, тау болмаз, джангыз терек, бау болмаз.
- Ишин билген, аны сыйын чыгъарады.
- Ач бёрюге мекям джокъ.
- Этни да ашады, бетни да ашады.
- Магъанасыз сёз – тауушсуз сыбызгъы.
- Мухардан ач ычхынмаз.
- Акъыллы айтыр эди, акъылсыз къоймайды.
- Ишни ахырын ойламай, аллын башлама.
- Адам къыйынлыгъын кёлтюрюр, зауукълугъун кёлтюрмез.
- Эртде тургъан джылкъычыны эркек аты тай табар.
- Къралынгы – душмандан, башынгы от бла суудан сакъла.
- Зар адамны насыбы болмаз.
- Тыш элде солтан болгъандан эсе, кесинги элде олтан болгъан игиди!
- Ашыкъгъанны этеги бутуна чырмалыр.
- Сёз садакъдан кючлюдю.
- Ойнай билмеген, оюн бузар.
- Кенгеш болса, уруш болмаз.
- Байлыкъ келсе, акъыл кетер.
- Таула не мийик болсала да, аууш табылыр.
- Мухар, кеси тойса да, кёзю тоймаз.
- Суу да къайтады чыкъгъан джерине.
- Эки ойлашыб, бир сёлешген.
- Билим ат болуб да чабар, къуш болуб да учар.
- Ашхы тенг джолгъа салыр, аман тенг джолдан тайдырыр.
- Тилчиден кери бол.
- Джангызны оту джарыкъ джанмаз!
- Адеби болмагъан къыз – тузсуз хант.
- Эте билген, этген этеди, эте билмеген, юретген этеди!
- Ачлыкъ отха секиртир.
- Атынг аманнга чыкъгъандан эсе, джанынг тамагъынгдан чыкъсын.
- Биреуню эскиси биреуге джангы болмайды.
- Къарт айтханны этмеген, къартаймаз.
- Къан бла кирген, джан бла чыгъар.
- Сютню башын джалагъан къутулур, тюбюн ичген тутулур.
- Сабийликде юретмесенг, уллу болса – тюзелмез.
День Победы 2013
10.05.2013