Эльбрусоид :: Эльбрусоид :: День Победы 2013

Сыфатында болмагъаны, суратында болмаз.
Мураты болгъанны джюрек тебюую башхады.
Адеби болмагъан къыз – тузсуз хант.
Сибиртки да сыйлы болду, кюрек да кюнлю болду.
Урунуу – насыбны анасы.
Аууз сакълагъан – джан сакълар.
Айыбны суу бла джууалмазса.
Танг атмайма десе да, кюн къоярыкъ тюйюлдю.
Джарлы джети элни сёзюн этер.
Билим ат болуб да чабар, къуш болуб да учар.
Алим болгъандан эсе, адам болгъан къыйынды.
Ишин билген, аны сыйын чыгъарады.
Намысы джокъну – дуниясы джокъ.
Башы ишлегенни, ауузу да ишлер.
Къайгъыны сюйген, къайгъы табар.
Тойгъа барсанг, тоюб бар, эски тонунгу къоюб бар.
Хатерли къул болур.
Ишлегенден, къарагъан уста.
Кёбден умут этиб, аздан къуру къалма.
Къартны бурнун сюрт да, оноугъа тут.
Аз айтсам, кёб ангылагъыз.
Намыс сатылыб алынмайды.
Сютден ауузу кюйген, суугъа юфгюре эди.
Нарт сёз къарт болмаз.
Сагъыш – къартлыкъгъа сюйюмчю.
Байдан умут эте, джарлыдан ёгюз багъасы къорады.
Аякъларынгы джууургъанынга кёре узат.
Иги бла джюрюсенг, джетерсе муратынга, аман бла джюрюсенг, къалырса уятха.
Сёз сёзню айтдырыр.
Ата – билек, ана – джюрек!
Ауурну тюбю бла, дженгилни башы бла джюрюген.
Юйюнгден чыкъдынг – кюнюнгден чыкъдынг.
Ханы къызы буюгъа-буюгъа киштик болду.
Хата – гитчеден.
Ариу сёз джыланны орнундан чыгъарыр.
Чомарт къонакъ юй иесин сыйлар.
Атлыны кёрсе, джаяуну буту талыр.
Ата Джуртча джер болмаз, туугъан элча эл болмаз.
Тилде сюек болмаса да, сюек сындырыр.
Ёмюрлюк шохлукъну джел элтмез.
Чоюнну башы ачыкъ болса, итге уят керекди.
Башланнган иш битер, къымылдагъан тиш тюшер.
Эллинг бла джау болсанг да, юйюнг бла джау болма.
Ёгюзню мюйюзюнден тутадыла, адамны сёзюнден тутадыла.
Игилик игилик бла сингдирилиучю затды.
Ачыкъ джюрекге джол – ачыкъ.
Къанны къан бла джуума, аманны аман бла къуума.
Билген билмегенни юретген адетди.
Тюзню ётмеги тюзде къалса да, тас болмаз.
Душманны тышы – акъ, ичи – къара.