- Баргъанынга кёре болур келгенинг.
- Ата Джуртуму башы болмасам да, босагъасында ташы болайым.
- Чакъырылмай келген къонакъ сыйланмай кетер.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъугъан озар, окъумагъан тозар.
- Ата – билек, ана – джюрек!
- Байлыкъ болгъан джерде, тынчлыкъ джокъду.
- Ата Джуртча джер болмаз, туугъан элча эл болмаз.
- Ёлюр джаннга, ёкюл джокъ.
- Адебни адебсизден юрен.
- Урама да – ёледи, сатама да – келеди.
- Таукел адам тау тешер.
- Шапа кёб болса, аш татымсыз болур.
- Къыйынлы джети элге оноу этер.
- Уллу къазанда бишген эт, чий къалмаз.
- Аджалсыз ёлюм болмаз.
- Джарлы эскисин джамаса, къууаныр.
- Эки элинги тыйсанг, джети элде махталырса.
- Тенги кёбню джау алмаз, акъылы кёбню дау алмаз.
- Тил – миллетни джаны.
- Аманны тукъумуна къарама, игини тукъумун сорма.
- Сютден ауузу кюйген, суугъа юфгюре эди.
- Къартха ушагъан джаш – акъыллы, джашха ушагъан къарт – тели.
- Aдам боллукъ, сыфатындан белгили.
- Къоркъакъны кёзю экили кёрюр.
- Намыс сатылыб алынмайды.
- Джюз элде джюз ёгюзюм болгъандан эсе, джюз джууугъум болсун.
- Чалманны аллы къалай башланса, арты да алай барады.
- Джюрек кёзден алгъа кёрюр.
- Атлыны кёрсе, джаяуну буту талыр.
- Иги адам абынса да, джангылмаз.
- Илму – джашауну джолу.
- Ойнаб айтсанг да, эслеб айт.
- Чакъырылгъанны аты, чакъырылмагъанны багъасы болур.
- Айранын берсенг, челегин да къызгъанма.
- Кёзден кетген, кёлден да кетеди.
- Ханнга да келеди хариблик.
- Кёзню ачылгъаны – иги, ауузну джабылгъаны – иги.
- Ариу – кёзге, акъыл – джюрекге.
- Къыз тиширыу кеси юйюнде да къонакъды.
- Адамны бетине къарама, адетине къара.
- Мадар болса, къадар болур.
- Айырылмаз джууугъунга, унутмаз сёзню айтма.
- Джигер – джаннга къыйынлыкъ.
- Ашлыкъ – бюртюкден, джюн – тюкден.
- Болджал ишни бёрю ашар.
- Дууулдаса – бал чибин, къонса – къара чибин.
- Бал – татлы, балдан да бала – татлы.
- Аз сёлеш, кёб ишле.
- Тели турса – той бузар.
День Победы 2013
10.05.2013