Эльбрусоид :: Эльбрусоид :: День Победы 2013

Ачыкъ джюрекге джол – ачыкъ.
Къарын къуру болса, джюрек уру болур.
Ёпкелегенни ашы татлы болады.
Кёбню кёрген – кёб билир.
Адеб базарда сатылмаз.
Суу кетер, таш къалыр.
Татлы тилде – сёз ариу, чемер къолда – иш ариу.
Ач отунчуну ачыуу – бурнунда.
Адам туугъан джеринде, ит тойгъан джеринде.
Къарнынг къанлынга кийирир.
Ёгюзню мюйюзюнден тутадыла, адамны сёзюнден тутадыла.
Билимсиз иш бармаз.
Ашхы – джыяр, аман – джояр.
Къолу уллу – асыу, аягъы уллу – джарсыу.
Байлыкъ тауусулур, билим тауусулмаз.
Джол бла сёзню къыйыры джокъ.
Туз, гырджын аша, тюзлюк бла джаша.
Ауузу аманнга «иги», деме.
Илму – джашауну джолу.
Атлыны ашхысы, ат тизгининден билинир
Алим болгъандан эсе, адам болгъан къыйынды.
Тёгюлген тюгел джыйылмайды.
Ауругъанны сау билмез, ач къарынны токъ билмез.
Тамбла алтындан бюгюн багъыр ашхы.
Ишлерге уял да, ашаргъа табма.
Тура эдим джата, къайдан чыкъды хата?
Къууут – джелге, берне – бошха.
Эли джокъну – кёлю джокъ.
Биреуге кёлтюрген таягъынг, кесинги башынга урур.
Окъугъан озар, окъумагъан тозар.
Чабакъ башындан чирийди.
Кюн кёрмеген, кюн кёрсе, кюндюз чыракъ джандырыр.
Джарлы тюеге минсе да, ит къабар.
Къонакъ аман болса, къонакъбай джунчур
Ётюрюкчюню шагъаты – къатында.
Ариу сёз – къылычдан джити.
Къошда джокъгъа – юлюш джокъ.
Тёзгеннге, джабылгъан эшик ачылыр.
Аджашхан тёгерек айланыр.
Аджалсыз ёлюм болмаз.
Адамгъа аман кюн соруб келмейди.
Ачлыкъда тары гырджын халыуадан татлы.
Окъдан джара эртде-кеч болса да бителир, сёз джара, ёмюрге къалыр.
Шайтан алдады, тюзлюк къаргъады.
Сескекли кесин билдирир.
Тилде сюек болмаса да, сюек сындырыр.
Бал – татлы, балдан да бала – татлы.
Башда акъыл болмаса, эки аякъгъа кюч джетер.
Тили узунну, намысы – къысха.
Къызбайны юйюне дери сюрсенг, батыр болур.