- Таукел къуру къалмаз.
- Тёгюлген тюгел джыйылмайды.
- Магъанасыз сёз – тауушсуз сыбызгъы.
- Эринчекге кюн узун.
- Акъыл аздырмаз, билим тоздурмаз.
- Эркишини аманы тиширыуну джылатыр.
- Орундукъ тюбюнде атылсам да, орта джиликме, де да айлан.
- Кенгеш болса, уруш болмаз.
- Джаным-тиним – окъуу, билим.
- Юй кюйдю да, кюйюз чыкъды, ортасындан тюйюш чыкъды.
- Тойгъандан сора, ашны сёкме.
- Ариу джол аджал келтирмез.
- Адеб этмеген, адеб кёрмез.
- Къызбайны юйюне дери сюрсенг, батыр болур.
- Тулпарлыкъ, билекден тюл – джюрекден.
- Дуния малгъа сатылма, кесингден телиге къатылма.
- Тюзлюк тас болмайды.
- Мухардан ач ычхынмаз.
- Тил – кесген бычакъ, сёз – атылгъан окъ.
- Кёз – сюйген джерде, къол – ауругъан джерде.
- Тилде сюек болмаса да, сюек сындырыр.
- Мен да «сен», дейме, сен да «кесим», дейсе.
- Ариу сёзде ауруу джокъ.
- Тойгъан джерге джети къайт.
- Бал ашаргъа сюе эсенг, чибин ургъаннга тёз.
- Джырчы ёлсе, джыры къалыр.
- Намыс болмагъан джерде, насыб болмаз.
- Шайтан алдады, тюзлюк къаргъады.
- Къая джолда джортма, ачыкъ сёзден къоркъма.
- Ёлген ийнек сютлю болур.
- Таула не мийик болсала да, аууш табылыр.
- Аман киши кеси юйюнде – къонакъ.
- Нарт сёз – тилни бети.
- Игиге айтсанг – билир, аманнга айтсанг – кюлюр.
- Эринчекни аурууу – кёб.
- Тёзгеннге, джабылгъан эшик ачылыр.
- Къарнынг бла ёч алма.
- Суу кетер, таш къалыр.
- Эли джокъну – кёлю джокъ.
- Бир абыннган – минг сюрюнюр.
- Тил джюрекге джол ишлейди.
- Джашынгы кесинг юретмесенг, джашау юретир.
- Ачны эсинде – аш.
- Кечеси – аяз, кюню – къыш, джарлы къаргъагъа бир аш тюш!
- Билимсиз иш бармаз.
- Уллу сёлешме да, уллу къаб.
- Ауузу аманнга «иги», деме.
- Хатерли къул болур.
- Къартны сыйын кёрмеген, къартлыгъында сыйлы болмаз.
- Биреуге аманлыкъны тилеме да, кесинге ашхылыкъны тиле.
День Победы 2013
10.05.2013