- Хазыр ашха – терен къашыкъ.
- Гыдай эчки суугъа къараб, мюйюзле кёрмесе, джашма алкъын, дегенди.
- Экеулен сёлеше тура эселе, орталарына барыб кирме.
- Кёб ант этген, кёб ётюрюк айтыр.
- Келгинчи, къонакъ уялыр, келгенден сора, къонакъбай уялыр.
- Биреуню тёрюнден, кесинги эшик артынг игиди.
- Мадар болса, къадар болур.
- Айраннга суу къош, телиге джол бош.
- Къызны минг тилер, бир алыр.
- Кёзю сокъурдан – къоркъма, кёлю сокъурдан – къоркъ.
- Хаухну атма, ёнгкючню сатма.
- Адам къыйынлыгъын кёлтюрюр, зауукълугъун кёлтюрмез.
- Сабыр джетер муратха, сабырсыз къалыр уятха.
- Къарт айтханны этмеген, къартаймаз.
- Ишлемеген – тишлемез.
- Алма терегинден кери кетмез.
- Хар сёзню орну барды.
- Акъыллы айтыр эди, акъылсыз къоймайды.
- Дуния малгъа сатылма, кесингден телиге къатылма.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къатын къылыкъсыз, эр тынчлыкъсыз.
- Джолда аягъынга сакъ бол, ушакъда тилинге сакъ бол.
- Бир абыннган – минг сюрюнюр.
- Ата Джуртун танымагъан, атасын да танымаз.
- Тойгъан джерге джети къайт.
- Халкъны джырын джырласанг, халкъ санга эжиу этер.
- Сабийликде юретмесенг, уллу болса – тюзелмез.
- Зар адамны насыбы болмаз.
- Атынг аманнга чыкъгъандан эсе, джанынг тамагъынгдан чыкъсын.
- Келинин тута билмеген, къул этер, къызын тута билмеген, тул этер.
- Экеу тутушса, биреу джыгъылыр.
- Аман къатын сабий табса, бий болур…
- Асхат ашлыкъ сата, юйдегиси ачдан къата.
- Эрине къаргъыш этген къатын, эрнин къабар.
- Къарнынг бла ёч алма.
- Игиге айтсанг – билир, аманнга айтсанг – кюлюр.
- Орундукъ тюбюнде атылсам да, орта джиликме, де да айлан.
- Къатыны харакетли болса, эри къымсыз болур.
- Адамны бетине къарама, адетине къара.
- Тойну къарнашы – харс, джырны къарнашы – эжиу.
- Арпа, будай – ащды, алтын, кюмюш а – ташды.
- Джюрекге ариу – кёзге да ариу.
- Кесине оноу эте билмеген, халкъына да эте билмез.
- Билген билмегенни юретген адетди.
- Сагъышы джокъ – джукъучу, акъылы джокъ – къаугъачы.
- Сёз садакъдан кючлюдю.
- Джаным-тиним – окъуу, билим.
- Магъанасыз сёз – тауушсуз сыбызгъы.
- Тойгъа алгъа да барма, тойда артха да къалма.
- Ачыкъ джюрекге джол – ачыкъ.
Че
10.06.2013