- Эте билген, этген этеди, эте билмеген, юретген этеди!
- Уллу сёзде уят джокъ.
- Тойгъа барсанг, тоюб бар, эски тонунгу къоюб бар.
- Тели турса – той бузар.
- Джашлыкъ этмеген, башлыкъ этмез.
- Иги адам абынса да, джангылмаз.
- Джукъу тёшек сайламайды.
- Тенги кёбню джау алмаз, акъылы кёбню дау алмаз.
- Ётюрюкчюню шагъаты – къатында.
- Тил – кесген бычакъ, сёз – атылгъан окъ.
- Тилчиден кери бол.
- Суу кетер, таш къалыр.
- Чомарт бергенин айтмаз.
- Юйюнгден чыкъдынг – кюнюнгден чыкъдынг.
- Акъыл аздырмаз, билим тоздурмаз.
- Бал ашаргъа сюе эсенг, чибин ургъаннга тёз.
- Урама да – ёледи, сатама да – келеди.
- Биреуге аманлыкъны тилеме да, кесинге ашхылыкъны тиле.
- Татлы сёз – балдан татлы.
- Халкъны джырын джырласанг, халкъ санга эжиу этер.
- Аз айтсам, кёб ангылагъыз.
- Кёбге таш атма.
- Сыфатында болмагъаны, суратында болмаз.
- Къарт бла баш аша, джаш бла аякъ аша.
- Дууулдаса – бал чибин, къонса – къара чибин.
- Сескекли кесин билдирир.
- Ашатыргъа иш – ашхы, ишлетирге аш – ашхы.
- Эки къатын алгъан – эки ташны ортасына башын салгъан.
- Намыс болмагъан джерде, насыб болмаз.
- Иги сеники эсе да, сюйген кесимикин этеме.
- Ёлюр джаннга, ёкюл джокъ.
- Ач келгенни – тойдур, кеч келгенни – къондур.
- Тойгъан антын унутур.
- Тюзлюк шохлукъну бегитир.
- Ариуну – ауруу кёб.
- Чомартха Тейри да борчлуду.
- Байдан умут эте, джарлыдан ёгюз багъасы къорады.
- Алим болгъандан эсе, адам болгъан къыйынды.
- Чомартха хар кюн да байрамды.
- Хар сёзню орну барды.
- Сакъалы текени да бар, мыйыгъы киштикни да бар.
- Аджаллыгъа окъсуз шкок атылыр.
- Малны кют, джерни тюрт.
- Тойгъан джерден туугъан джер игиди.
- Суугъа – чабакъ, къаягъа – ыргъакъ.
- Экеулен сёлеше тура эселе, орталарына барыб кирме.
- Джигер – джаннга къыйынлыкъ.
- Хар ишни да аллы къыйынды.
- Кенгеш болса, уруш болмаз.
- Акъыл неден да кючлюдю.
Че
10.06.2013