Эльбрусоид :: Эльбрусоид

Игини сыйлагъан адетди.
Чыкълы кюнде чыкъмагъан, чыкъса къуру кирмеген.
Юйлю уругъа ит чабмаз.
Ашын ашагъанынгы, башын да сыйла.
Бети – къучакълар, джюреги – бычакълар.
Къонакъ болсанг, ийнакъ бол.
Ётюрюк хапар аякъ тюбю бла джюрюйдю.
Аман адамны тепсинге олтуртсанг, къызынгы тилер.
Ишге юренсин къоллары, халкъ бла болсун джоллары.
Адамгъа аман кюн соруб келмейди.
Ариу джол аджал келтирмез.
Адам бла мюлк юлешмеген эсенг, ол адамны билиб бошагъанма, деб кесинги алдама.
Сабыр джетер муратха, сабырсыз къалыр уятха.
Къонагъы джокъну – шоху джокъ.
Таукел къуру къалмаз.
Джолда аягъынга сакъ бол, ушакъда тилинге сакъ бол.
Ауругъан – джашаудан умутчу.
Ашатыргъа иш – ашхы, ишлетирге аш – ашхы.
Тау башында, тау болмаз, джангыз терек, бау болмаз.
Ким бла джюрюсенг, аны кёзю бла кёрюнюрсе.
Байлыкъ тауусулур, билим тауусулмаз.
Уллу айтханны этмеген – уллаймаз.
Къарнынг ауруса, ауузунгу тый
Олтуруб кёрюнмей эди да, ёрге туруб кёрюне эди.
Билимден уллу байлыкъ джокъду.
Бозанг болмагъан джерге, къалагъынгы сукъма.
Накъырданы арты керти болур.
Адамны сыфатына къарама, сёзюне къара.
Айранны сюйген, ийнек тутар.
Зар адам ашынгы ашар, кесинги сатар.
Билеги кючлю, бирни джыгъар, билими кючлю, мингни джыгъар.
Эр сокъур болсун, къатын тилсиз болсун.
Ауузу бла къуш тута айланады.
Акъылсызны джууукъгъа алма, акъыллыны кенгнге салма.
Насыблы элин сюер, насыбсыз кесин сюер.
Акъыл къартда, джашда тюйюлдю – башдады.
Ачлыкъда тары гырджын халыуадан татлы.
Ёлген аслан – сау чычхан.
Иесиз малны бёрю ашар.
Адам къыйынлыгъын кёлтюрюр, зауукълугъун кёлтюрмез.
Ата – баланы уясы.
Босагъагъа джууукъ орун болса, ашыгъыб тёрге озма.
Нафысынгы айтханын этме, намысынгы айтханын эт.
Кенгеш болса, уруш болмаз.
Тёзген – тёш ашар!
Эрине къаргъыш этген къатын, эрнин къабар.
Къолунгдан къуймакъ ашатсанг да, атаны борчундан къутулмазса.
Джол бла сёзню къыйыры джокъ.
Ачыу алгъа келсе, акъыл артха къалады.
Онгсузну – джакъла, тенгликни – сакъла.