- Нарт сёз къарт болмаз.
- Мени джылытмагъан кюн, меннге тиймесин!
- Мал кёб болса, джууукъ кёб болур.
- Уллу къашыкъ эрин джыртар.
- Къонагъынгы артмагъын алма да, алгъышын ал.
- Ауурну тюбю бла, дженгилни башы бла джюрюген.
- Эки ойлашыб, бир сёлешген.
- Ишленмеклик адамлыкъды.
- Дуния малгъа сатылма, кесингден телиге къатылма.
- Эртде тургъан бла эртде юйленнген сокъуранмаз.
- Къозулугъунда тоймагъан, къойлугъунда тоймаз.
- Игиге айтсанг – билир, аманнга айтсанг – кюлюр.
- Байдан умут эте, джарлыдан ёгюз багъасы къорады.
- Ётюрюкню башын керти кесер.
- Къартха ушагъан джаш – акъыллы, джашха ушагъан къарт – тели.
- Ач, тоймам, дейди, тойгъан, ач болмам, дейди.
- Акъыл къартда, джашда тюйюлдю – башдады.
- Къуллукъчума, деб махтанма, къуллукъ – хаух джамчыды!
- Таякъ этден ётер, тил сюекден ётер.
- Ёлюк кебинсиз къалмаз.
- Адамны артындан къара сабан сюрме.
- Биреуге аманлыкъны тилеме да, кесинге ашхылыкъны тиле.
- Джуртун къоругъан озар.
- Сескекли кесин билдирир.
- Хар ишни да аллы къыйынды.
- Тойгъанлыкъ къойгъа джарашады.
- Аман адамны тепсинге олтуртсанг, къызынгы тилер.
- Сакъалы текени да бар, мыйыгъы киштикни да бар.
- Аджашханны ызындагъы кёреди, джангылгъанны джанындагъы биледи.
- Аджаллыгъа окъсуз шкок атылыр.
- Тик ёргени, тик энгишгеси да болады.
- Айранын берсенг, челегин да къызгъанма.
- Къыз чыгъаргъан – къызыл къымжа.
- Бозанг болмагъан джерге, къалагъынгы сукъма.
- Джылар джаш, атасыны сакъалы бла ойнар.
- Къууут – джелге, берне – бошха.
- Киштикге къанат битсе, чыпчыкъ къалмаз эди.
- Кёбню кёрген – кёб билир.
- Билеги кючлю, бирни джыгъар, билими кючлю, мингни джыгъар.
- Ашхы тенг джолгъа салыр, аман тенг джолдан тайдырыр.
- Дуния мал дунияда къалады.
- Ауузу аманнга «иги», деме.
- Элде адам къалмаса, ит тахтагъа минер.
- Ачыу алгъа келсе, акъыл артха къалады.
- Эринчекге кюн узун.
- Чомартха хар кюн да байрамды.
- Алтыннга тот къонмаз.
- Кюл тюбюндеги от кёрюнмейди.
- Кёб джат да, бек чаб.
- Джырчы ёлсе, джыры къалыр.
Че
10.06.2013