Эльбрусоид :: Эльбрусоид

Суу ичген шауданынга тюкюрме.
Ариу – кёзге, акъыл – джюрекге.
Билмезни кёзю кёрмез, этмезни къулагъы эшитмез.
Тил бла келеди джыр да.
Ишлерге уял да, ашаргъа табма.
Джылыгъа джылан илешир.
Окъугъан озар, окъумагъан тозар.
Ашхы болсанг, атынг чыгъар, аман болсанг, джанынг чыгъар.
Джашынгы кесинг юретмесенг, джашау юретир.
Татлы сёз – балдан татлы.
Аман адам элни бир-бирине джау этер.
Чыбыкълыкъда бюгюлмеген, къазыкълыкъда бюгюлмей эди.
Тилчи бир сагъатха айлыкъ хата этер.
Бет бетге къараса, бет да джерге къарар.
Кюн – узун, ёмюр – къысха.
Сёз – кюмюш, джыр – алтын.
Кесине гебен этелмеген, биреуге черен эте эди.
Халкъгъа джарагъан, джарлы къалмаз.
Адам сёзге тынгыла, акъыл сёзню ангыла.
Билим – акъылны чырагъы.
Ач отунчуну ачыуу – бурнунда.
Телиге от эт десенг, юйюнге от салыр.
Ишлегенден, къарагъан уста.
Джарашыу сюйген – джалынчакъ.
Уллу къашыкъ эрин джыртар.
Къолунгдан къуймакъ ашатсанг да, атаны борчундан къутулмазса.
Джырына кёре эжиую.
Накъырда – кертини келечиси.
Сабий кёргенин унутмаз.
Адебсиз адам – джюгенсиз ат.
Мал тутхан – май джалар.
Тилсиз миллет джокъ болур.
Элге къуллукъ этмеген, элге ие болмаз.
Ойнай-ойнай кёз чыгъар.
Байма, деб да, къууанма, джарлыма, деб да, джылама.
Эркиши – от, тиширыу – суу.
Бал чибинни ургъаны – ачы, балы – татлы.
Къызгъанчдан ычхыныр, мухардан ычхынмаз.
Халкъны джырын джырласанг, халкъ санга эжиу этер.
Эринчекге кюн узун.
Борчунг бар эсе, хурджунунга ойлаб узал.
Биреуню тёрюнден, кесинги эшик артынг игиди.
Тёрени джагъы джокъ.
Ашхы – джыяр, аман – джояр.
Тыш элде солтан болгъандан эсе, кесинги элде олтан болгъан игиди!
Тил джюрекге джол ишлейди.
Ашыкъгъан cуу, тенгизге джетмез.
Джетген къыз джерли эшекни танымаз.
Ашда уялгъан – мухар, ишде уялгъан – хомух.
Ата Джуртча джер болмаз, туугъан элча эл болмаз.