Эльбрусоид :: Эльбрусоид

Магъанасыз сёз – тауушсуз сыбызгъы.
Ана – юйню кюн джарыгъы.
Татлы тилде – сёз ариу, чемер къолда – иш ариу.
Ач къарным, тынч къулагъым.
Бетинги сатма, малынгы сат.
Ашхы тенг джолгъа салыр, аман тенг джолдан тайдырыр.
Джерни букъусу кёкге къонмаз.
Айтханы чапыракъдан ётмеген.
Тил – миллетни джаны.
Ёксюзню къалачы уллу кёрюнюр.
Чарсда алчыны эл кёреди.
Ханнга да келеди хариблик.
Ариуну – ауруу кёб.
Таукел тауну аудурур.
Сабыр джетер муратха, сабырсыз къалыр уятха.
Джарлы эскисин джамаса, къууаныр.
Билгенни къолу къарны джандырыр.
Адамны аты башхача, акъылы да башхады.
Къартны сыйын кёрмеген, къартлыгъында сыйлы болмаз.
Гыдай эчки суугъа къараб, мюйюзле кёрмесе, джашма алкъын, дегенди.
Игиге айтсанг – билир, аманнга айтсанг – кюлюр.
Къыйынлы джети элге оноу этер.
Ёлген аслан – сау чычхан.
Адамны джюреги нени кёрюрге сюйсе, кёзю да аны кёрюрге ёч болады.
Эр сокъур болсун, къатын тилсиз болсун.
Ишни аллы бла къууанма да, арты бла къууан.
Аурууну келиую тынч, кетиую – къыйын.
Таукелге нюр джауар.
Хар зат кесини орнуна иги.
Кёб къычыргъандан – къоркъма, тынч олтургъандан – къоркъ.
Насыб бютеу халкъны юлюшюдю.
Кёз – сюйген джерде, къол – ауругъан джерде.
Къанны къан бла джуума, аманны аман бла къуума.
Келлик заман – къартлыкъ келтирир, кетген заман – джашлыкъ ёлтюрюр.
Эли джокъну – кёлю джокъ.
Окъумагъан сокъурду, сокъур ташха абыныр!
Кийим тукъум сордурур.
Тилчиден кери бол.
Байлыкъ тауусулур, билим тауусулмаз.
Джыланны къуйругъундан басарынг келсе, аны башы болгъанын унутма.
Джиби бир къат джетмей эди да, эки къат тарта эди.
Ойнай билмеген, уруб къачар.
Дженгил джетерикме деб, узун джолну къоюб, къысхасын барма.
Чабакъсыз кёлге къармакъ салгъанлыкъгъа, чабакъ тутмазса.
Тойну къарнашы – харс, джырны къарнашы – эжиу.
Сакъ юйюне сау барыр.
Аллахха ийнаннган кишини, Аллах онгдурур ишин.
Тенги кёбню джау алмаз, акъылы кёбню дау алмаз.
Юреннген ауруу къалмаз.
Ачыу алгъа келсе, акъыл артха къалады.