- Къызын тута билмеген, тул этер, джашын тута билмеген, къул этер.
- Ишге юренсин къоллары, халкъ бла болсун джоллары.
- Тау башында, тау болмаз, джангыз терек, бау болмаз.
- Ким бла джюрюсенг, аны кёзю бла кёрюнюрсе.
- Аман киши кеси юйюнде – къонакъ.
- Биреуню къыйынлыгъы бла кесинге джол ишлеме.
- Кёзню ачылгъаны – иги, ауузну джабылгъаны – иги.
- Тёгюлген тюгел джыйылмайды.
- Юйюнг бла джау болгъандан эсе, элинг бла джау бол.
- Рысхы – насыбха къор.
- Ач къарным, тынч къулагъым.
- Чомарт бергенин айтмаз.
- Ашда – бёрю, ишде – ёлю.
- Рысхысына кёре, джаш ёсер, къышлыгъына кёре, мал ёсер.
- Аманнга алтын чыдамаз.
- Къарт бла баш аша, джаш бла аякъ аша.
- Аман адам этегингден тутса, кес да къач.
- Эки къатын алгъанны къулагъы тынгнгаймаз.
- Ичимден чыкъды хата, къайры барайым сата?
- Билимли ёлмез, билимсиз кёрмез.
- Къарнынг ауруса, ауузунгу тый
- Къарнынг тойгъунчу аша да, белинг талгъынчы ишле.
- Этни бети бла шорпасы.
- Биреуге кёлтюрген таягъынг, кесинги башынга урур.
- Тёрде – темир таякълы, къаяда – чыпчыкъ аякълы.
- Сабийни джумушха джибер да, ызындан бар.
- Къонагъы джокъну – шоху джокъ.
- Мен да «сен», дейме, сен да «кесим», дейсе.
- Нарт сёз – тилни бети.
- Тели турса – той бузар.
- Аууздан келген, къолдан келсе, ким да патчах болур эди.
- Ашхылыкъ джерде джатмайды, аманлыкъ суугъа батмайды.
- Билим къая тешер.
- Босагъагъа джууукъ орун болса, ашыгъыб тёрге озма.
- Адамны сабийин сюйген джюреги, бычакъча, джитиди.
- Акъылсызны джууукъгъа алма, акъыллыны кенгнге салма.
- Тилде сюек болмаса да, сюек сындырыр.
- Арпа, будай – ащды, алтын, кюмюш а – ташды.
- Адебсиз адам – джюгенсиз ат.
- Джарлыны эшигин махтагъан джабар.
- Ана къойну – балагъа джандет.
- Битмегеннге сакъал – танг.
- Акъыл сабырлыкъ берир.
- Азыкълы ат арымаз, къатыны аман джарымаз.
- Хаухну атма, ёнгкючню сатма.
- Ач да бол, токъ да бол – намысынга бек бол.
- Къарнынг бла ёч алма.
- Айран тёгюлсе, джугъусу къалыр.
- Джолунга кёре – джюрюшюнг, джагъанга кёре – юлюшюнг.
- Керти сёзге тёре джокъ.
Че
10.06.2013