- Таугъа чыгъаллыкъ эсенг, тюзде къалма.
- Абынмазлыкъ аякъ джокъ, джангылмазлыкъ джаякъ джокъ.
- Кёл – къызбай, къол – батыр.
- Джетген къыз джерли эшекни танымаз.
- Къоркъакъны кёзю экили кёрюр.
- Садакъачыны джаны – къапчыгъында.
- Къайгъы тюбю – тенгиз.
- Онгсузну – джакъла, тенгликни – сакъла.
- Рысхы джалгъанды: келген да этер, кетген да этер.
- Келинни – келгинчи, бёркню кийгинчи кёр.
- Биреуню эскиси биреуге джангы болмайды.
- Къаллай салам берсенг, аллай джууаб алырса.
- Тиширыусуз юй – отсуз от джагъа.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Ёнгкюч къууана барыр, джылай келир.
- Чакъырылгъанны аты, чакъырылмагъанны багъасы болур.
- Ёзденликни джайгъан – джокълукъ.
- Кёлсюзден сёзсюз тууар.
- Насыблы элин сюер, насыбсыз кесин сюер.
- Ана къойну – балагъа джандет.
- Болджал ишни бёрю ашар.
- Тил – кесген бычакъ, сёз – атылгъан окъ.
- Керек ташны ауурлугъу джокъ.
- Айырылмаз джууугъунга, унутмаз сёзню айтма.
- Эркиши – от, тиширыу – суу.
- Ётюрюкню башын керти кесер.
- Тёзген – тёш ашар!
- Кийим тукъум сордурур.
- Джюрекге ариу – кёзге да ариу.
- Къарнынг тойгъунчу аша да, белинг талгъынчы ишле.
- Джауумдан сора, кюн кюйдюрюр, ётюрюкден сора, айыб кюйдюрюр.
- Уллу сёлешме да, уллу къаб.
- Къонагъынгы артмагъын алма да, алгъышын ал.
- Эл ауузу – элия.
- Кесине гебен этелмеген, биреуге черен эте эди.
- Джарлы эскисин джамаса, къууаныр.
- Чомарт къолда мал къалмаз.
- Арыгъан къош чамчы болур.
- Нёгерсизни джолу узун.
- Къазанчы аман болса, къазаны къайнамаз.
- Билген билмегенни юретген адетди.
- Тойгъан антын унутур.
- Эринчекге кюн узун.
- Акъыл къартда, джашда тюйюлдю – башдады.
- Адам боллукъ, атламындан белгили болур.
- Эки ойлашыб, бир сёлешген.
- Суу да къайтады чыкъгъан джерине.
- Ойнай-ойнай кёз чыгъар.
- Ишлемеген – тишлемез.
- Аман адамны тепсинге олтуртсанг, къызынгы тилер.
Че
10.06.2013