- Таугъа чыгъаллыкъ эсенг, тюзде къалма.
- Эшекни не къадар тюйсенг да, ат болмаз.
- Кёзден кетген, кёлден да кетеди.
- Ач, тоймам, дейди, тойгъан, ач болмам, дейди.
- Иги адамны бир сёзю эки болмаз.
- Бойнуму джети джерден кессенг да, мен ол ишни этеллик тюлме.
- Тенгни тенглиги джашай барсанг билинир.
- Кюн – узун, ёмюр – къысха.
- Ишин билген, аны сыйын чыгъарады.
- Къарны аманнга къазан такъдырма, къолу аманнга от джакъдырма.
- Ёзденликни кёбю ётюрюк.
- Ойнаб айтсанг да, эслеб айт.
- Элни кючю – эмеген.
- Таукел тауну аудурур.
- Иесиз малны бёрю ашар.
- Битмегеннге сакъал – танг.
- Ач да бол, токъ да бол – намысынга бек бол.
- Бастасын ашагъан, хантусун да ичер.
- Сормай – алма, чакъырылмай – барма.
- Ариу джол аджал келтирмез.
- Бир онгсуз адам адет чыгъарды, деб эштирик тюлсе.
- Бети бедерден, намыс сакълама.
- Бермеген къол, алмайды.
- Ауругъанны сау билмез, ач къарынны токъ билмез.
- Тойгъан антын унутур.
- Киштикге къанат битсе, чыпчыкъ къалмаз эди.
- Ётюрюкню къуйругъу – бир тутум.
- Ата Джуртун танымагъан, атасын да танымаз.
- Джарлы джети элни сёзюн этер.
- Аман къатын сабий табса, бий болур…
- Башланнган иш битер, къымылдагъан тиш тюшер.
- Тойгъандан сора, ашны сёкме.
- Кюл тюбюндеги от кёрюнмейди.
- Aдам боллукъ, сыфатындан белгили.
- Эр сокъур болсун, къатын тилсиз болсун.
- Эринчекни эр алмаз, эр алса да, кёл салмаз, кёл салса да, кёб бармаз!
- Экеу тутушса, биреу джыгъылыр.
- Керилген да, ургъан кибикди.
- Аманны эки битли тону болур, бирин сеннге кийдирир, бирин кеси киер.
- Эри аманны, къатыны – аман.
- Арба аугъандан сора, джол кёргюзтюучю кёб болур.
- Ишлерге уял да, ашаргъа табма.
- Сёз къанатсыз учар.
- Окъ къызбайны джокълайды.
- Огъурлуну сёзю – суу, огъурсузну сёзю – уу.
- Акъдан къара болмаз.
- Аман эсирсе, юйюн ояр.
- Урунуу – насыбны анасы.
- Суугъа – чабакъ, къаягъа – ыргъакъ.
- Къонакъ болсанг, ийнакъ бол.
Че
10.06.2013