- Кёзюнде тереги болгъан, чёбю болгъаннга кюле эди.
- Билмейме деген – бир сёз
- Ёнгкюч къууана барыр, джылай келир.
- Эркиши – от, тиширыу – суу.
- Керилген да, ургъан кибикди.
- Къан бла кирген, джан бла чыгъар.
- Билимли ёлмез, билимсиз кёрмез.
- Къарнынг бла ёч алма.
- Аман эсирсе, юйюн ояр.
- Эрни эр этерик да, къара джер этерик да, тиширыуду.
- Аджалсыз ёлюм болмаз.
- Иги – алгъыш этер, аман – къаргъыш этер.
- Юйюнг бла джау болгъандан эсе, элинг бла джау бол.
- Байма, деб да, къууанма, джарлыма, деб да, джылама.
- Сангырау къулакъ эл бузар.
- Джерни букъусу кёкге къонмаз.
- Акъыллы башны – тили къысха.
- Урама да – ёледи, сатама да – келеди.
- Иги болса, тамадама – махтау, аман болса, меннге – айыб.
- Ата джурт – алтын бешик.
- Иги сеники эсе да, сюйген кесимикин этеме.
- Джюз элде джюз ёгюзюм болгъандан эсе, джюз джууугъум болсун.
- Къралынгы – душмандан, башынгы от бла суудан сакъла.
- Хар зат кесини орнуна иги.
- Сууда джау джокъ, кёб сёзде магъана джокъ.
- Ёлмесенг да, къарт дамы болмазса?
- Къарнынг ауруса, ауузунгу тый
- Кёрмегеннге кебек – танг, битмегеннге сакъал – танг.
- Ишни аллы бла къууанма да, арты бла къууан.
- Ачылгъан эт джабылыр, кёрген кёз унутмаз.
- Джарашыу сюйген – джалынчакъ.
- Джашда акъыл джокъ, къартда къарыу джокъ.
- Ёлген аслан – сау чычхан.
- Къыз келсе, джумуш эте келеди, къатын келсе, ушакъ эте келеди.
- Къыйынлы джети элге оноу этер.
- Адамны артындан къара сабан сюрме.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Азыкълы ат арымаз, къатыны аман джарымаз.
- Бойнуму джети джерден кессенг да, мен ол ишни этеллик тюлме.
- Эм уллу байлыкъ – джан саулукъ.
- Босагъа таш юйге кирмей эди, тыбыр таш эшикге чыкъмай эди.
- Айныгъанлы алты кюн, тогъайгъанлы тогъуз кюн.
- Джырына кёре эжиую.
- Нёгерсизни джолу узун.
- Айырылмаз джууугъунга, унутмаз сёзню айтма.
- Ёгюзню мюйюзлери ауурлукъ этмейдиле.
- Атадан ёксюз – бир ёксюз, анадан ёксюз – эки ёксюз.
- Ат да турмайды бир териде.
- Тёрде – темир таякълы, къаяда – чыпчыкъ аякълы.
- Билген билмегенни юретген адетди.
Че
10.06.2013