- Тёрде – темир таякълы, къаяда – чыпчыкъ аякълы.
- Урунуу – насыбны анасы.
- Агъач – джерни чырайы, кийим – эрни чырайы.
- Билген билмегенни юретген адетди.
- Татлы тилде – сёз ариу, чемер къолда – иш ариу.
- Телиге от эт десенг, юйюнге от салыр.
- «Ма», - дегенни билмесенг, «бер», - дегенни билмезсе.
- Босагъа таш юйге кирмей эди, тыбыр таш эшикге чыкъмай эди.
- Уллу къашыкъ эрин джыртар.
- Аз айтсам, кёб ангылагъыз.
- Сёз садакъдан кючлюдю.
- Тилде сюек болмаса да, сюек сындырыр.
- Эркишини аманы тиширыуну джылатыр.
- Башланнган иш битер, къымылдагъан тиш тюшер.
- Аууздан келген, къолдан келсе, ким да патчах болур эди.
- Ёлген ийнек сютлю болур.
- Ёпкелегенни ашы татлы болады.
- Ариу – кёзге, акъыл – джюрекге.
- Ач къалгъандан, кеч къалгъан къолай.
- Джангыз терек къынгыр ёсер.
- Душманны тышы – акъ, ичи – къара.
- Джангызны оту джарыкъ джанмаз!
- Джыйырма къойну юч джыйырма эбзе кюте эди.
- Сыфатында болмагъаны, суратында болмаз.
- Эринчекге кюн узун.
- Билим – акъылны чырагъы.
- Ариу сёз аурууунгу алыр.
- Эки ойлашыб, бир сёлешген.
- Эки къатын алгъан – эки ташны ортасына башын салгъан.
- Тил – кесген бычакъ, сёз – атылгъан окъ.
- Элиб деген, элге болушур.
- Мухар, кеси тойса да, кёзю тоймаз.
- Ёлюр джаннга, ёкюл джокъ.
- Ач уят къоймаз.
- Чыкълы кюнде чыкъмагъан, чыкъса къуру кирмеген.
- Джумушакъ терекни къурт ашар.
- Ёлюк кебинсиз къалмаз.
- Ёгюзню мюйюзюнден тутадыла, адамны сёзюнден тутадыла.
- Къарнынг ауруса, ауузунгу тый
- Тамырсыз терекге таянма – джыгъылырса.
- Биреуню тёрюнден, кесинги эшик артынг игиди.
- Чабакъ башындан чирийди.
- Аманнга игилик этсенг, юйюнге сау бармазса.
- Тамбла алтындан бюгюн багъыр ашхы.
- Къозулугъунда тоймагъан, къойлугъунда тоймаз.
- Айныгъанлы алты кюн, тогъайгъанлы тогъуз кюн.
- Уллу сёлешме да, уллу къаб.
- Ата Джуртун танымагъан, атасын да танымаз.
- Кюн – узун, ёмюр – къысха.
- Этни да ашады, бетни да ашады.
Че
10.06.2013