- Адамны сабийин сюйген джюреги, бычакъча, джитиди.
- Айырылмаз джууугъунга, унутмаз сёзню айтма.
- Керилген да, ургъан кибикди.
- Азыгъы аз, алгъа къабар, аты аман, алгъа чабар.
- Аууздан келген, къолдан келсе, ким да патчах болур эди.
- Билмейме деген – бир сёз
- Олтуруб кёрюнмей эди да, ёрге туруб кёрюне эди.
- Кёз – сюйген джерде, къол – ауругъан джерде.
- Ашарыкъда сайлагъаннга – чий гырджын.
- Адамны артындан къара сабан сюрме.
- Джолунга кёре – джюрюшюнг, джагъанга кёре – юлюшюнг.
- Рысхысына кёре, джаш ёсер, къышлыгъына кёре, мал ёсер.
- Кёб къычыргъандан – къоркъма, тынч олтургъандан – къоркъ.
- Эркиши – от, тиширыу – суу.
- Окъугъан озар, окъумагъан тозар.
- Чарсда алчыны эл кёреди.
- Джангызны оту джарыкъ джанмаз!
- Бал ашаргъа сюе эсенг, чибин ургъаннга тёз.
- Сабийни джумушха джибер да, ызындан бар.
- Аллахха ийнаннган кишини, Аллах онгдурур ишин.
- Таукел тауну аудурур.
- Къайтырыкъ эшигинги, къаты уруб чыкъма.
- Къонакъ болсанг, ийнакъ бол.
- Ёзденликни кёбю ётюрюк.
- Тенгни тенглиги джашай барсанг билинир.
- Атлыны кёрсе, джаяуну буту талыр.
- Башда акъыл болмаса, эки аякъгъа кюч джетер.
- Бёрю да ач къалмасын, эчки да ашалмасын.
- Джогъун бар этген, барын бал этген.
- Эл тойса, тоймагъан, эл къойса, къоймагъан.
- Эшекни не къадар тюйсенг да, ат болмаз.
- Ана кёлю – балада, бала кёлю – талада.
- Тау башында, тау болмаз, джангыз терек, бау болмаз.
- Кюн кёрмеген, кюн кёрсе, кюндюз чыракъ джандырыр.
- Сангырау къулакъ эл бузар.
- Аманны къуугъан, аманлыкъ табар.
- Башланнган иш битер, къымылдагъан тиш тюшер.
- Эки къатын алгъанны къулагъы тынгнгаймаз.
- Суу да къайтады чыкъгъан джерине.
- Кимни – тили, тиши онглу, кимни – къолу, иши онглу.
- Эркишини аманы тиширыуну джылатыр.
- Адамгъа аман кюн соруб келмейди.
- Билимсиз иш бармаз.
- Аджашхан тёгерек айланыр.
- Игини сыйлагъан адетди.
- Уруну арты – къуру.
- Сёз садакъдан кючлюдю.
- Сютден ауузу кюйген, суугъа юфгюре эди.
- Гитче джилтин уллу элни джандырыр.
- Билмезни кёзю кёрмез, этмезни къулагъы эшитмез.
Че
10.06.2013