- Биреуню къыйынлыгъы бла кесинге джол ишлеме.
- Кюл тюбюндеги от кёрюнмейди.
- Эки ойлашыб, бир сёлешген.
- Эрни эр этерик да, къара джер этерик да, тиширыуду.
- Юй кюйдю да, кюйюз чыкъды, ортасындан тюйюш чыкъды.
- Тенгни тенглиги джашай барсанг билинир.
- Ишлегенде эринме, ишде чолакъ кёрюнме.
- Джашынгы кесинг юретмесенг, джашау юретир.
- Гыдай эчки суугъа къараб, мюйюзле кёрмесе, джашма алкъын, дегенди.
- Аллахха ийнаннган кишини, Аллах онгдурур ишин.
- Къарны аманнга къазан такъдырма, къолу аманнга от джакъдырма.
- Тай асырагъан, атха минер.
- Биреуню тёрюнден, кесинги эшик артынг игиди.
- Къатын байлыкъны сюер, эр саулукъну сюер.
- Хатерли къул болур.
- Джарашыу сюйген – джалынчакъ.
- Джырына кёре эжиую.
- Тюзлюк шохлукъну бегитир.
- Къозулугъунда тоймагъан, къойлугъунда тоймаз.
- Билген билмегенни юретген адетди.
- Эртде тургъан бла эртде юйленнген сокъуранмаз.
- Тас болгъан бычакъны сабы – алтын.
- Къызбайны юйюне дери сюрсенг, батыр болур.
- Дууулдаса – бал чибин, къонса – къара чибин.
- Тюзню ётмеги тюзде къалса да, тас болмаз.
- Хансыз джомакъ болмаз.
- Кёл – къызбай, къол – батыр.
- Дуния аламаты сен эсенг да, игиме деб айтма.
- Таукел къуру къалмаз.
- Ойнаб айтсанг да, эслеб айт.
- Ата Джуртча джер болмаз, туугъан элча эл болмаз.
- Тойну къарнашы – харс, джырны къарнашы – эжиу.
- Иги джашны ышаны – аз сёлешиб, кёб тынгылар.
- Азыгъы аз, алгъа къабар, аты аман, алгъа чабар.
- Сакъ юйюне сау барыр.
- Магъанасыз сёз – тауушсуз сыбызгъы.
- Къыйынлы джети элге оноу этер.
- Окъумагъан сокъурду, сокъур ташха абыныр!
- Джылар джаш, атасыны сакъалы бла ойнар.
- Джаш болсун, къыз болсун, акъылы, саны тюз болсун.
- Ишин билген, аны сыйын чыгъарады.
- Ариу сёз джыланны орнундан чыгъарыр.
- Джумушакъ терекни къурт ашар.
- Ач къарным, тынч къулагъым.
- Ичимден чыкъды хата, къайры барайым сата?
- Бек ашыкъгъан меннге джетсин, дегенди аракъы.
- Джаз бир кюнню джатсанг, къыш талай кюнню абынырса.
- Джыланны къуйругъундан басарынг келсе, аны башы болгъанын унутма.
- Алтыннга тот къонмаз.
- Джетген къыз джерли эшекни танымаз.
Че
10.06.2013